అల్లు అర్జున్ నటించిన పుష్ప సినిమా బాక్సాఫీస్ వద్ద రికార్డులను బద్దలు కొట్టడమే కాదు. ‘శ్రీవల్లి’ పాట అంతర్జాతీయ క్రికెటర్లలో బాగా ఫేమస్ కూడా అయింది. ఎంతో మంది అంతర్జాతీయ క్రికెటర్లు కూడా శ్రీవల్లి వైరల్ స్టెప్ వేసి వీడియోలు అప్‌లోడ్ చేయడం మనం చూస్తూనే ఉన్నాం.
ఆస్ట్రేలియన్ ఓపెనర్ డేవిడ్ వార్నర్ కూడా శ్రీవల్లి స్టెప్ వేసిన సంగతి తెలిసిందే. ఇప్పుడు తాజాగా వెస్టిండీస్ క్రికెటర్ డ్వేన్ బ్రేవో కూడా ఈ జాబితాలో చేరారు. భారత క్రికెటర్లు సూర్యకుమార్ యాదవ్, ఇషాన్ కిషన్, సురేష్ రైనా, ఖలీల్ అహ్మద్ కూడా ఇప్పటికే ఈ వీడియో చేశారు.
బంగ్లాదేశ్ ప్రీమియర్ లీగ్‌లో జరిగిన మ్యాచ్‌లో వికెట్ తీసిన అనంతరం శ్రీవల్లి స్టెప్‌తో డ్వేన్ బ్రేవో సంబరాలు చేసుకున్నాడు. ఈ వీడియో ఇప్పుడు ఇంటర్నెట్లో బాగా వైరల్ అవుతుంది. బ్రేవో శ్రీవల్లి స్టెప్ వేయడం ఇది రెండో సారి. ఇంతకుముందు ఈ వీడియో చేసి అందులో డేవిడ్ వార్నర్, సురేష్ రైనాలను ట్యాగ్ చేశారు.
వెల్ డన్ బ్రేవో అని సురేష్ రైనా కామెంట్ చేయగా.. డేవిడ్ వార్నర్ నువ్వు లెజెండ్ బ్రదర్ అంటూ ట్వీట్ చేశారు. అంతర్జాతీయ క్రికెట్ నుంచి రిటైర్మెంట్ ప్రకటించిన బ్రేవో.. ఈ సంవత్సరం జరగనున్న ఐపీఎల్‌లో మాత్రం ఆడనున్నాడు.