భారత మాజీ కెప్టెన్ మిస్టర్ కూల్ మహేంద్ర సింగ్ ధోని కొత్త అవతారం ఎత్తాడు. అదే అధర్వ అవతారం. సంగీత దర్శకుడు రమేష్ తమిళ్‌మణి రచిస్తున్న గ్రాఫిక్ నవల ‘అధర్వ: ది ఆరిజిన్’లో ధోని హీరో పాత్రలో కనిపించనున్నాడు. అంటే ఇదేదో సినిమా అనుకునేరు. కాదండోయ్.. ఇది కేవలం గ్రాఫిక్ నవల మాత్రమే.
దీనికి సంబంధించిన మోషన్ పోస్టర్‌ను కూడా నిర్మాతలు విడుదల చేశారు. దీన్ని బట్టి ఇది పీరియాడిక్ గ్రాఫిక్ నవల అని అర్థం చేసుకోవచ్చు. ఇన్నాళ్లూ బ్యాట్ పట్టుకుని సిక్సర్లు కొట్టిన ధోనిని.. ఇప్పుడు కత్తి పట్టుకుని తలలు నరుకుతుంటే చూడటం మాత్రం కొంచెం కొత్తగానే ఉంది.
ఈ గ్రాఫిక్ నవల త్వరలో అమెజాన్‌లో అందుబాటులోకి రానుంది. ప్రీ-ఆర్డర్ల ద్వారా దీన్ని కొనుగోలు చేసే అవకాశం ఉందని వీడియో చివర్లో తెలిపారు.