Womens Premier League: మహిళా ప్రీమియర్‌ లీగ్‌కు సమయం సమీపిస్తున్న వేళ... రాయల్‌ ఛాలెంజర్స్‌ బెంగళూరుకు గట్టి షాక్‌ తగిలింది. స్మృతి మంధాన సారథ్యంలోని ఆర్సీబీలో స్టార్‌ ప్లేయర్‌గా ఉన్న ఇంగ్లండ్‌ సారథి హీథర్‌ నైట్‌ ఈ సీజన్‌ నుంచి తప్పుకుంది. ఈ విషయాన్ని RCB అధికారికంగా వెల్లడించింది. నైట్‌ స్థానంలో సౌతాఫ్రికా ఆల్‌ రౌండర్‌ నదైన్‌ డె క్లర్క్‌ను జట్టులోకి తీసుకుంది. నైట్‌ఈ సీజన్‌ నుంచి తప్పుకోవడానికి సరైన కారణాన్ని ఆర్సీబీ వెల్లడించలేదు. మార్చి 19 నుంచి కివీస్‌తో ఐదు మ్యాచ్‌ల టీ20 సిరీస్‌ ఆడనుంది. డబ్ల్యూపీఎల్‌ – 2 వ సీజన్‌ ఫిబ్రవరి 23న మొదలై మార్చి 17 వరకూ సాగనుంది. కివీస్‌తో సిరీస్‌ మొదలయ్యేనాటికి డబ్ల్యూపీఎల్‌ ముగుస్తున్నా ఇంగ్లండ్‌ మాత్రం తమ ప్లేయర్లను ఈ లీగ్‌లో ఆడించే విషయమై తర్జనభర్జన పడుతోంది. ఈ ఏడాది మహిళల టీ20 వరల్డ్‌ కప్‌ ఉన్న నేపథ్యంలో తమ ఆటగాళ్లు ఫ్రెష్‌గా ఉండాలని, అందుకే డబ్ల్యూపీఎల్‌లో పాల్గొని గాయాలపాలవడం, మానసికంగా అలిసిపోవడం వంటివి కాకుండా ఉండేందుకే ఇంగ్లండ్‌ అండ్‌ వేల్స్‌ క్రికెట్‌ బోర్డు తమ క్రికెటర్లకు డబ్ల్యూపీఎల్‌ నుంచి తప్పుకోవాలని సూచించినట్టు వార్తలు వస్తున్నాయి.


WPL 2024 షెడ్యూల్‌..
ఫిబ్రవరి 23- ముంబయి ఇండియన్స్ v ఢిల్లీ క్యాపిటల్స్ (బెంగుళూరు)
ఫిబ్రవరి 24- రాయల్ ఛాలెంజర్స్ బెంగళూరు vs యూపీ వారియర్స్ (బెంగుళూరు)
ఫిబ్రవరి 25- గుజరాత్ జెయింట్స్ vs ముంబయి ఇండియన్స్ (బెంగుళూరు)
ఫిబ్రవరి 26- యూపీ వారియర్స్ vs ఢిల్లీ క్యాపిటల్స్ (బెంగుళూరు)
ఫిబ్రవరి 27- రాయల్ ఛాలెంజర్స్ బెంగళూరు vs గుజరాత్ జెయింట్స్ (బెంగుళూరు)
ఫిబ్రవరి 28- ముంబయి ఇండియన్స్ vs యూపీ వారియర్స్ (బెంగుళూరు)
ఫిబ్రవరి 29- రాయల్ ఛాలెంజర్స్ బెంగళూరు vs ఢిల్లీ క్యాపిటల్స్ (బెంగుళూరు)
మార్చి 1- యూపీ వారియర్స్ vs గుజరాత్ జెయింట్స్ (బెంగుళూరు)
మార్చి 2- రాయల్ ఛాలెంజర్స్ బెంగళూరు vs ముంబయి ఇండియన్స్ (బెంగుళూరు)
మార్చి 3- గుజరాత్ జెయింట్స్ vs ఢిల్లీ క్యాపిటల్స్ (బెంగుళూరు)
మార్చి 4- యూపీ వారియర్స్ vs రాయల్ ఛాలెంజర్స్ బెంగళూరు (బెంగుళూరు)
మార్చి 5- ఢిల్లీ క్యాపిటల్స్ vs ముంబయి ఇండియన్స్ (ఢిల్లీ)
మార్చి 6- గుజరాత్ జెయింట్స్ vs రాయల్ ఛాలెంజర్స్ బెంగళూరు (ఢిల్లీ)
మార్చి 7- యూపీ వారియర్స్ vs ముంబయి ఇండియన్స్ (ఢిల్లీ)
మార్చి 8- ఢిల్లీ క్యాపిటల్స్ vs యూపీ వారియర్స్ (ఢిల్లీ)
మార్చి 9- ముంబయి ఇండియన్స్ vs గుజరాత్ జెయింట్స్ (ఢిల్లీ)
మార్చి 10- ఢిల్లీ క్యాపిటల్స్ vs రాయల్ ఛాలెంజర్స్ బెంగళూరు (ఢిల్లీ)
మార్చి 11- గుజరాత్ జెయింట్స్ vs యూపీ వారియర్స్ (ఢిల్లీ)
మార్చి 12- ముంబయి ఇండియన్స్ vs రాయల్ ఛాలెంజర్స్ బెంగళూరు (ఢిల్లీ)
మార్చి 13- ఢిల్లీ క్యాపిటల్స్ vs గుజరాత్ జెయింట్స్ (ఢిల్లీ)
మార్చి 15- ఎలిమినేటర్ (ఢిల్లీ)
మార్చి 17- ఫైనల్ (ఢిల్లీ)