Virat Kohli Birthday Wishes: టీమిండియా మాజీ కెప్టెన్ విరాట్ కోహ్లీ నేడు తన 34వ పుట్టిన రోజు జరుపుకుంటున్నాడు. ప్రస్తుతం టీ20 ప్రపంచకప్ కోసం ఆస్ట్రేలియాలో ఉన్న విరాట్ అక్కడే తన జన్మదిన వేడుకలు చేసుకున్నాడు. జట్టు సభ్యులు, సహాయ సిబ్బంది నడుమ కేక్ కట్ చేశాడు. దానికి సంబంధించిన వీడియో, ఫొటోలు వైరల్ గా మారాయి.
అలాగే కింగ్ కోహ్లీ పుట్టినరోజు సందర్భంగా శుభాకాంక్షలు వెల్లువెత్తాయి. సోషల్ మీడియా వేదికగా సహచర ఆటగాళ్లు, మాజీలు, విరాట్ స్నేహితులు, సినిమా సెలబ్రిటీలు తమ శుభాకాంక్షలు అందించారు. కోహ్లీ ఆర్సీబీ సహచరుడు ఏబీ డివిలియర్స్ ప్రత్యేక వీడియోతో విష్ చేశాడు. కోహ్లీ సతీమణి అనుష్క శర్మ ఇన్ స్టా వేదికగా భర్తకు జన్మదిన శుభాకాంక్షలు తెలియజేసింది.