Ruturaj Gaikwad Record: టీమిండియా, చెన్నై సూపర్ కింగ్స్ ఆటగాడు రుతురాజ్ గైక్వాడ్ చరిత్ర సృష్టించాడు. ఒకే ఓవర్ లో 7 సిక్సులు కొట్టి నయా రికార్డు నెలకొల్పాడు. ఈ రికార్డుకి విజయ్ హజారే ట్రోఫీ వేదికైంది.
విజయ్ హజారే ట్రోఫీ రెండో క్వార్టర్ ఫైనల్ మ్యాచులో ఉత్తర ప్రదేశ్ పై రుతురాజ్ విధ్వంసం సృష్టించాడు. మహారాష్ట్ర తరఫున ఆడుతున్న రుతురాజ్ శివసింగ్ బౌలింగ్ లో ఒక ఓవర్ లో 7 సిక్సులు కొట్టాడు. ఓవర్లోని ఆరు బంతులను బౌండరీ వెలుపలకు కొట్టిన గైక్వాడ్.. ఆ ఓవర్ లో పడిన నోబాల్ ను స్టాండ్స్ లోకి తరలించాడు. దీంతో 7 బంతులకు 7 సిక్సులు వచ్చాయి. ఇది నయా రికార్డు. మొత్తం ఆ ఓవర్లో 43 పరుగులు వచ్చాయి. గైక్వాడ్ 159 బంతుల్లో 220 పరుగులు చేశాడు. దీంతో మహారాష్ట్ర జట్టు నిర్ణీత 50 ఓవర్లలో 330 పరుగులు చేసింది.