వెస్టిండీస్‌తో జరగనున్న మూడు వన్డేల సిరీస్‌కు టీమిండియా బృందాన్ని బీసీసీఐ ప్రకటించింది. రెగ్యులర్ కెప్టెన్ రోహిత్ శర్మ, కోహ్లీ, బుమ్రా, రిషబ్ పంత్‌లకు విశ్రాంతి కల్పించారు. దీంతో ఈ సిరీస్‌కు శిఖర్ ధావన్ కెప్టెన్సీ వహించనున్నాడు. రవీంద్ర జడేజాను వైస్ కెప్టెన్‌గా నియమించనున్నారు.
శిఖర్ ధావన్, రుతురాజ్ గైక్వాడ్, శుభ్‌మన్ గిల్, సూర్యకుమార్ యాదవ్, శ్రేయస్ అయ్యర్‌లు బ్యాట్స్‌మెన్ కాగా... ఇషాన్ కిషన్, సంజు శామ్సన్‌లను వికెట్ కీపర్లుగా ఎంపిక చేశారు. అవేష్ ఖాన్, ప్రసీద్ కృష్ణ, మహ్మద్ సిరాజ్, అర్ష్‌దీప్ సింగ్‌లు పేసర్లుగానూ, యుజ్వేంద్ర చాహల్, అక్షర్ పటేల్ స్పిన్నర్ల కోటాలో ఎంపికయ్యారు. దీపక్ హుడా, శార్దూల్ ఠాకూర్ ఆల్ రౌండర్ల బాధ్యత వహించనున్నారు. జులై 22వ తేదీ నుంచి 27వ తేదీ వరకు ఈ సిరీస్ జరగనుంది.
వెస్టిండీస్ టూర్‌కు భారత జట్టు
శిఖర్ ధావన్ (కెప్టెన్), రవీంద్ర జడేజా (వైస్ కెప్టెన్), రుతురాజ్ గైక్వాడ్, శుభ్‌మన్ గిల్, దీపక్ హుడా, సూర్యకుమార్ యాదవ్, శ్రేయస్ అయ్యర్, ఇషాన్ కిషన్ (వికెట్ కీపర్), సంజు శామ్సన్ (వికెట్ కీపర్), శార్దూల్ ఠాకూర్, యుజ్వేంద్ర చాహల్, అక్షర్ పటేల్, అవేష్ ఖాన్, ప్రసీద్ కృష్ణ, మహ్మద్ సిరాజ్, అర్ష్‌దీప్ సింగ్