Pakistan Playing XI Against India: 2023 ఆసియా కప్‌లో ఆదివారం సెప్టెంబర్ 10వ తేదీన భారత్, పాకిస్తాన్ మధ్య మ్యాచ్ జరగనుంది. సూపర్-4 రౌండ్‌లో ఇరు జట్లు తలపడనున్నాయి. ఈ మ్యాచ్ కోసం పాకిస్తాన్ తన ప్లేయింగ్ ఎలెవన్‌ని ప్రకటించింది. ఈ సారి నలుగురు ఫాస్ట్ బౌలర్లతో పాకిస్తాన్ జట్టు బరిలోకి దిగనుంది.
నవాజ్ స్థానంలో ఫహీమ్ అష్రఫ్‌కు అవకాశం
భారత్‌తో జరిగే సూపర్-4 రౌండ్ మ్యాచ్‌కు నలుగురు ఫాస్ట్ బౌలర్లతో రంగంలోకి దిగాలని పాకిస్తాన్ నిర్ణయించింది. బాబర్ ఆజం స్పిన్ ఆల్ రౌండర్ మహ్మద్ నవాజ్‌ను ప్లేయింగ్ ఎలెవన్‌లో చేర్చలేదు. అతని స్థానంలో ఫాస్ట్ బౌలింగ్ ఆల్ రౌండర్ ఫహీమ్ అష్రాఫ్‌కు అవకాశం లభించింది.
భారత్‌తో జరిగే మ్యాచ్‌లో పాకిస్తాన్ ప్లేయింగ్ ఎలెవన్
బాబర్ అజామ్ (కెప్టెన్), ఫఖర్ జమాన్, షాదాబ్ ఖాన్ (వైస్ కెప్టెన్), ఇమామ్ ఉల్ హక్, సల్మాన్ అలీ అగా, ఇఫ్తీకర్ అహ్మద్, మహ్మద్ రిజ్వాన్ (వికెట్ కీపర్), ఫహీమ్ అష్రాఫ్, నసీమ్ షా, షహీన్ షా ఆఫ్రిది, హరీస్ రౌఫ్.
భారత్‌తో జరిగే మ్యాచ్‌లో ఆల్‌రౌండర్ ఫహీమ్ అష్రాఫ్‌కు అవకాశం ఇవ్వడంపై పాక్ కెప్టెన్ బాబర్ ఆజం విశ్వాసం వ్యక్తం చేశాడు. ఫాస్ట్ బౌలింగ్‌తో పాటు లోయర్ ఆర్డర్‌లో కూడా ఫహీమ్ బాగా బ్యాటింగ్ చేయగలడు. బంగ్లాదేశ్‌పై అద్భుతంగా బౌలింగ్ చేశాడు.
నలుగురు ఫాస్ట్ బౌలర్లతో దిగిన పాకిస్తాన్
భారత్‌పై నలుగురు ఫాస్ట్ బౌలర్లతో ఫీల్డింగ్ చేయాలని పాకిస్తాన్ నిర్ణయించింది. ప్లేయింగ్ ఎలెవన్‌లో షహీన్ షా ఆఫ్రిది, నసీమ్ షా, హరీస్ రౌఫ్‌లతో పాటు ఫహీమ్ అష్రఫ్ యాక్షన్‌లో కనిపిస్తారు. కాగా షాదాబ్ ఖాన్ లీడ్ స్పిన్నర్‌గా వ్యవహరించనున్నాడు. అతనికి మద్దతుగా సల్మాన్ అఘా, ఇఫ్తికర్ అహ్మద్ కూడా ఉన్నారు. బంగ్లాదేశ్‌తో జరిగిన సూపర్-4 తొలి మ్యాచ్‌లో పాకిస్తాన్ జట్టు ప్లేయింగ్ ఎలెవెన్‌పై బాబర్ ఆజం విశ్వాసం వ్యక్తం చేశాడు. ఆ మ్యాచ్‌లో బంగ్లాదేశ్‌ను పాకిస్తాన్ ఘోరంగా ఓడించింది.