Blind T20 World Cup final: అంధుల టీ20 ప్రపంచకప్ ను భారత్ గెలుచుకుంది. శనివారం బెంగళూరులోని చిన్నస్వామి స్టేడియంలో జరిగిన ఫైనల్ మ్యాచులో బంగ్లాదేశ్ ను 120 తేడాతో ఓడించి టైటిల్ ను గెలుచుకుంది. తొలుత బ్యాటింగ్ చేసిన భారత్ నిర్ణీత 20 ఓవర్లలో 2 వికెట్ల నష్టానికి 277 పరుగులు చేసింది. 29 పరుగులకే 2 వికెట్లు కోల్పోయిన టీమిండియాను కెప్టెన్ అజయ్ కుమార్, సునీల్ రమేష్ లు ఆదుకున్నారు. వీరిద్దరూ మూడో వికెట్ కు 247 పరుగుల రికార్డు భాగస్వామ్యాన్ని అందించారు. ఈ క్రమంలోనే ఈ ఇద్దరు ఆటగాళ్లు సెంచరీలు చేశారు. అజయ్ (50 బంతుల్లో 100 నాటౌట్), సునీల్ (63 బంతుల్లో 136 నాటౌట్) అజేయ శతకాలతో చెలరేగారు. అనంతరం లక్ష్య ఛేదనకు దిగిన బంగ్లాదేశ్ నిర్ణీత 20 ఓవర్లలో 3 వికెట్ల నష్టానికి 157 పరుగులు మాత్రమే చేయగలిగింది. దీంతో 120 పరుగుల తేడాతో పరాజయం పాలైంది. భారత్ బౌలర్లు లలిత్ మీనా, అజయ్ కుమార్ చెరో వికెట్ తీశారు.
డిఫెండింగ్ ఛాంపియన్ అయిన భారత్ కు ఇది మూడో టీ20 ప్రపంచకప్.