టీ20 వరల్డ్‌కప్‌లో 289 పరుగులతో ఆస్ట్రేలియా ఓపెనర్ డేవిడ్ వార్నర్ ప్లేయర్ ఆఫ్ ది సిరీస్ అవార్డు గెలుచుకున్న సంగతి తెలిసిందే. కప్ గెలుచుకున్నందుకు ఆస్ట్రేలియాను అన్ని ఐపీఎల్ టీమ్స్ అభినందించగా.. సన్‌రైజర్స్ మాత్రం కిక్కురుమనలేదు. ఒక్క ట్వీట్ కూడా చేయలేదు. దానికి కారణం.. ఒకే ఒక్క ఐపీఎల్ సీజన్ వైఫల్యానికి డేవిడ్ వార్నర్‌ను సన్‌రైజర్స్‌ను దారుణంగా ట్రీట్ చేయడమే.
దీనికి తోడు సన్‌రైజర్స్ యాజమాన్యానికి వార్నర్ భార్య కాండీస్ వార్నర్ కూడా చురకలు అంటించింది. ప్లేయిర్ ఆఫ్ ది సిరీస్‌గా నిలిచిన అనంతరం.. కాండీస్ తన ట్వీట్‌లో ‘ఫాంలో లేడు.. వయసు అయిపోయింది. బాగా నెమ్మదించాడు.. కంగ్రాట్స్ వార్నర్’ అని ట్వీట్ చేసింది.
ఇది కచ్చితంగా సన్‌రైజర్స్‌ను టార్గెట్ చేస్తూ వేసిన ట్వీటే. కేవలం ఒక్క సీజన్ వైఫల్యానికే వార్నర్‌ను కెప్టెన్ పదవి నుంచి తొలగించడం మాత్రమే కాకుండా.. జట్టులో కూడా స్థానం లేకుండా చేశారు. కొన్ని మ్యాచ్‌లకు అయితే కనీసం స్టేడియంకు కూడా తీసుకువెళ్లలేదని స్వయంగా వార్నరే చెప్పాడంటే.. సన్‌రైజర్స్ వార్నర్‌ను ఎంత దారుణంగా ట్రీట్ చేసిందో చెప్పవచ్చు.
కాండీస్ వేసిన ట్వీట్ కింద ఫ్యాన్స్ కూడా ఆమెకు మద్దతు తెలుపుతూ రిప్లైలు ఇచ్చారు. సన్‌రైజర్స్ మేనేజ్‌మెంట్‌కు సరైన రిప్లై ఇచ్చిందని వ్యాఖ్యానించారు. ఈ ట్వీట్‌కు ఏకంగా 57 వేల లైకులు రావడం విశేషం.