శ్రీ శుభకృత్ నామసంవత్సరం(2022-2023)లో వృశ్చిక రాశి ఫలితాలు


వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు 
ఆదాయం : 14 వ్యయం : 14 రాజ్యపూజ్యం : 3 అవమానం : 1


శ్రీ శుభకృత్ నామ సంవత్సరంలో వృశ్చికరాశివారికి ...ధనం, కుటుంబ కారకుడైన గురుడు 5వ స్థానంలో, శని మూడో స్థానంలో, రాహు కేతువులు6, 12 స్థానాల్లో ఉండటంతో ఈ సంవత్సరం మిగిలిన రాశులవారికన్నా ఈ రాశివారికి బాగా కలిసొస్తుంది. గురు, శని ప్రభావంతో మీరు అనుకున్న పనులు అనుకున్నట్టు పూర్తైపోతాయి. ఇంకా వృశ్చికరాశివారికి ఈ ఏడాది ఎలా ఉందంటే...



  • ఆదాయ వ్యయాలు అధిక మొత్తంలో ఉన్నందున ప్రతి అడుగూ జాగ్రత్తగా వేయాలి. అప్పుల బాధకు దూరంగా ఉండాలి

  • గురువు పంచమ స్థానంలో, రాహువు ఆరో స్థానంలో ఉండడంతో ఉద్యోగ, వ్యాపారాల్లో గౌరవం పెరుగుతుంది

  • స్థిరాస్తిని కొనుగోలు చేస్తారు, వృద్ధి చేస్తారు, విశేష భూలాభం, గృహయోగం వస్తు వాహన ప్రాప్తి కలుగుతాయి

  • శత్రువులు మిత్రులుగా మారతారు. వ్యాపార యోగం  ఉంటుంది

  • దగ్గరివారితో విభేదాలు రాకుండా జాగ్రత్త వహించాలి

  • చాలాకాలంగా వెంటాడుతున్న అనారోగ్య సమస్యలు తగ్గుతాయి

  • విద్యార్థులకు బ్రహ్మాండంగా ఉంటుంది,చదువులో మంచి ఫలితాలు సాధిస్తారు

  • విదేశీ ప్రయాణాలు కలిసొస్తాయి

  • పుణ్యక్షేత్రాలు సందర్శిస్తారు

  • కుటుంబంలో గౌరవం పెరుగుతుంది, శుభకార్యాలు నిర్వహిస్తారు

  • ఎప్పటినుంచో పెండింగ్ లో ఉన్న పనులు పూర్తిచేస్తారు, ఎప్పటినుంచో చేతికి అందాల్సిన మొత్తం వస్తుంది

  • ప్రతి విషయంలోనూ ఉత్సాహంగా ఉంటారు, మీరు లాభపడతారు,మీ చుట్టూ ఉండేవారికి సహాయం చేస్తారు

  • ఉద్యోగులకు బాగా కలిసొచ్చే సమయం ఇది, అధికారుల అనుగ్రహం మీపై ఓ రేంజ్ లో ఉంటుంది

  • వేసుకున్న ప్రణాళికలు అమలుచేయగలుగుతారు, అంచనాలను అందుకుంటారు, సాధ్యం కాని హామీలు ఇవ్వొద్దు

  • వ్యాపారాభివృద్ధికి మరింతగా శ్రమించాలి. ఉమ్మడి వ్యాపారాలు కలిసిరావు

  • వ్యవసాయం, తోటల రంగాల వారికి దిగుబడి సంతృప్తినిస్తుంది.

  • ధార్మిక విషయాల పట్ల ఆసక్తి పెరుగుతుంది

  • అసాంఘిక కార్యకలాపాలకు దూరంగా ఉండాలి


ఒక్కమాటలో చెప్పాలంటే ఏవో చిన్న చిన్న అడ్డంకులు మినహా ఈ ఏడాది వృశ్చిక రాశివారికి పట్టిందల్లా బంగారమే అన్నట్టుంటుంది...


నోట్: పండితుల సూచనలు, కొన్ని పుస్తకాల ఆధారంగా రాసిన విషయాలివి...వీటిని ఎంతవరకూ విశ్వసించాలి అనేది పూర్తిగా మీ వ్యక్తిగతం


Also Read:  2022-2023లో ఈ రాశివారి సక్సెస్ చూసి కొందరు సహించలేరు, ఆ రేంజ్ లో దూసుకెళతారు


Also Read:  శ్రీ శుభకృత్ నామ సంవత్సరంలో ఈ నాలుగు రాశుల వారికి ఆర్థికంగా కలిసొస్తుంది, మీరున్నారా అందులో


ఏబీపీ దేశం వ్యూయర్స్ అందరకీ శ్రీ శుభకృత్ నామ సంవత్సరం శుభాకాంక్షలు.