Telangana Poliics In Delhi: తెలంగాణ రాజకీయాలు రోజు రోజు హాట్ హాట్ గా మారిపోతున్నాయి. తెలంగాణలో జరుగుతున్న ప్రతి అంశం రాజకీయం అయితోంది. పరిశ్రమల కోసం భూసేకరణ దగ్గర నుంచి మూసి ప్రాజెక్టు ప్రక్షాళన వరకూ ప్రతీది రాజకీయమే. ఇలాంటి హడావుడిలో రేవంత్ పై ఫిర్యాదుకు అంటూ కేటీఆర్ డిల్లీకి వెళ్లారు. తర్వాత హైకమాండ్ తో భేటీకి రేవంత్ వెళ్లారు. బట్టి విక్రమార్క కూడా వెళ్లారు. బీజేపీ అగ్రనేతలు కిషన్ రెడ్డి ఎక్కువగా ఢిల్లీలోనే ఉంటారు. తెలంగాణలో రాజకీయ పరిణామాలతో ఈ ఢిల్లీ పర్యటనలు అందరిలోనూ ఆసక్తి రేపాయి. ఇంతకీ అక్కడేం జరిగింది..? వాటి పరిణామాలు తెలంగాణలో ఎలా ఉంటాయి ?
కేటీఆర్ విచారణకు గవర్నర్ అనుమతి వస్తుందా ?
ఫార్ములా ఈ రేసు వ్యవహారంలో విదేశీ కంపెనీకి చట్ట విరుద్ధంగా రూ. 55 కోట్లు తెలంగాణ ఖజానా నుంచి బదిలీ అయ్యాయి. ఇదందా కేటీఆర్ చేసిన స్కామ్ అని కాంగ్రెస్ ఆరోపిస్తోంది. అందుకే త్వరలో బాంబులు పేలబోతున్నాయని ప్రకటించారు. ఈ స్కామ్ ను విచారణకు ఏసీబీకి ఇచ్చారు. ఏసీబీ అధికారులు కేటీఆర్ విచారణకు గవర్నర్ అనుమతి కోసం లేఖ ఇచ్చారు. కేటీఆర్ ప్రజాప్రతినిధిగా తన పదవీ కాలంలో .. అధికార విధుల్లో భాగంగా తీసుకున్న నిర్ణయాలపై కేసు కాబట్టి ఖచ్చితంగా గవర్నర్ అనుమతి ఉండాలి. లేకపోతే ఏ చర్యలు తీసుకున్నా చెల్లవు. అయితే ఇప్పుడు గవర్నర్ నుంచి పర్మిషన్ వస్తుందా లేదా అన్నదానిపై రకరకాల చర్చలు జరుగుతున్నాయి. గవర్నర్ అనుమతి రాకుండా చూసుకోవడానికే కేటీఆర్ ఢిల్లీ పర్యటనకు వెళ్లారని అమృత్ స్కీమ్ టెండర్లలో స్కాం అనేది పెద్ద జోక్ అని కాంగ్రెస్ అంటోంది.
రేవంత్, పొంగులేటి జైలుకు వెళ్తారన్న కేటీఆర్
మరో వైపు ఢిల్లీ పర్యటనకు వెళ్లిన కేటీఆర్ కేంద్ర పట్టణాభివృద్ధి శాఖ మంత్రిని కలిశారు. అమృత్ పథకం కింద తెలంగాణలో చేపడుతున్న పనులకు సంబంధించిన టెండర్లలో అవినీతి జరిగిందని ఫిర్యాదు చేశారు. టెండర్ల వివరాలేమీ వెబ్ సైట్లో లేవని రేవంత్ రెడ్డి బావమరిదికి టెండర్లు ఇచ్చారని ఆరోపించారు. ప్రెస్మీట్ పెట్టి అవే ఆరోపణలు చేశారు.జాతీయ మీడియాకు ఇంటర్యూలు ఇచ్చారు. త్వరలో రేవంత్ , పొంగులేటి జైలుకు వెళ్తారని ప్రకటించారు. కేటీఆర్‌కు అంత ధీమా ఏమిటన్నది మాత్రం క్లారిటీ లేదు. తనను జైలుకు పంపుతామని అంటున్నారు కాబట్టి తన కంటే ముందే వారు జైలుకు వెళ్తారని కౌంటర్ ఇస్తున్నారా లేకపోతే నిడంగానే.. ఢిల్లీలో ఆయనకు ఏమైనా గ్యారంటీ లభించిందా అన్నది సస్పెన్స్ గానే ఉంది. కేటీఆర్ ఫిర్యాదుల పని పూర్తి చేసుకుని హైదరాబాద్ వచ్చారు.
ఢిల్లీకి రేవంత్, భట్టి !
రేవంత్ రెడ్డి, భట్టి విక్రమార్క కూడా ఢిల్లీకి వెళ్లారు. వారు ఢిల్లీలో అధికారికంగా పార్టీ హైకమాండ్‌తో మాట్లాడి.. ఆ తర్వాత తమకు కేటాయించిన రాష్ట్రాల్లో ఎన్నికల ప్రచారానికి వెళ్తారు. రేవంత్ రెడ్డి రెండు రోజుల పాటు ఎన్నికల ప్రచారంలో పాల్గొంటారు. జార్ఖండ్‌లో భట్టి విక్రమార్క ప్రచారం చేస్తారు. అయితే ఢిల్లీ పర్యటనలో అంతర్గత రాజకీయాలపై చర్చ కూడా ఉంటుందని భావిస్తున్నారు.
కలెక్టర్‌పైనే దాడి చేసేలా తెలంగాణలో రాజకీయాలు - తెలంగాణ ప్రభుత్వం ఎలా సమర్థించుకుంటుంది ?
ఇక తెలంగాణ రాజకీయాల్లో మార్పులు వస్తాయా ?
ఢిల్లీ పర్యటనలు.. ప్రచారాలు పూర్తి చేసుకున్న తర్వాత అందరూ తెలంగాణకు చేరుకున్న తర్వాత కీలక పరిణామాలు ఉండే అవకాశం ఉంది. గవర్నర్ కేటీఆర్ విచారణకు అనుమతి ఇస్తే ఓ రకంగా.. ఇవ్వకపోతే మరో రకంగా రాజకీయాలు ఉంటాయి. ఏదైనా తెలంగాణ పాలిటిక్స్ మాత్రం ఊహించని మలుపులు తిరగడం ఖాయంగా కనిపిస్తోంది.