ఫోటోలు: ప్రగతి భవన్‌లో రాఖీ వేడుకలు, సోదరీమణుల ఆశీర్వాదం తీసుకున్న సీఎం కేసీఆర్

రక్షాబంధన్ వేడుకలు ప్రగతి భవన్‌లో గురువారం (ఆగస్టు 31) ఘనంగా జరిగాయి.

తోబుట్టువుల ప్రేమానురాగాలు అనుబంధాలకు ప్రగతి భవన్ ముఖ్యమంత్రి నివాసం వేదికగా నిలిచింది.

రాఖీ పౌర్ణమి పండుగ సందర్భంగా ముఖ్యమంత్రి కె.చంద్రశేఖర్ రావుకు ఆయన అక్కలు, చెల్లెళ్లు రాఖీలు కట్టి రాఖీ పండుగ వేడుకలు జరుపుకున్నారు.

ఈ సందర్భంగా అక్కలు లక్ష్మీబాయి, జయమ్మ, లలితమ్మ, చెల్లెలు వినోదమ్మ తమ సోదరునికి రాఖీ కట్టి ఆశీర్వదించారు.

ఈ సందర్భంగా సీఎం కేసీఆర్ అక్కలకు పాదాభివందనాలు చేసి ఆశీర్వాదాలు అందుకున్నారు. ఈ కార్యక్రమంలో ముఖ్యమంత్రి కేసీఆర్ సతీమణి శోభమ్మ, తదితరులు పాల్గొన్నారు.