In Pics: సందడిగా గాంధీ భవన్.. మాణికం ఠాకూర్‌తో నేతల భేటీ, హుజూరాబాద్ అభ్యర్థి ఆమెనేనా..!

తెలంగాణ కాంగ్రెస్ టాప్ లీడర్లతో గాంధీ భవన్ సందడిగా మారింది.

ఆ పార్టీ తెలంగాణ రాష్ట్ర వ్యవహారాల ఇంచార్జ్ మణికం ఠాకూర్ అధ్యక్షతన తెలంగాణ కాంగ్రెస్ నేతలు సమావేశమయ్యారు.

హుజూరాబాద్ ఉప ఎన్నిక, ఇతర అంశాలపై జరుగుతున్న పార్టీ మీటింగ్‌కు కీలక నేతలంతా హాజరయ్యారు.

తెలంగాణ పీసీసీ అధ్యక్షుడు రేవంత్ రెడ్డి, ప్రచార కమిటీ చైర్మైన్ మధు యాస్కి గౌడ్, సీఎల్పీ నాయకుడు భట్టి విక్రమార్క, దామోదర రాజనర్సింహ, ఇతర పార్టీ ముఖ్య నేతలు ఈ సమావేశంలో పాల్గొన్నారు.

హుజూరాబాద్ కాంగ్రెస్ అభ్యర్థి ఎంపికపై ప్రధానంగా చర్చ జరుగుతోంది.

అధికార పార్టీని సమర్థంగా ఎదుర్కొనేందుకు అవలంబించాల్సిన వ్యూహాలపై కూడా చర్చిస్తున్నారు.

హుజూరాబాద్ కాంగ్రెస్ అభ్యర్థిపై ఇప్పటికే ఉత్కంఠ నెలకొన్న సంగతి తెలిసిందే.

సమావేశంలో కొండా సురేఖ అభ్యర్థిత్వానికే చాలా మంది నేతలు మద్దతు తెలిపినట్లు తెలుస్తోంది. అందరి అభిప్రాయాన్ని సేకరించి తుది జాబితాను కాంగ్రెస్‌ అధినేత్రి సోనియా గాంధీకి మాణికం ఠాకూర్‌ అందజేయనున్నారు. ఆ తర్వాత హుజూరాబాద్‌ కాంగ్రెస్‌ అభ్యర్థి ఎవరనేదానిపై స్పష్టత వచ్చే అవకాశముంది.