Bahadurpura Flyover Photos: హైదరాబాద్‌లో కొత్త ప్లైఓవర్‌ ప్రారంభం - బహదూర్ పురా ప్లైఓవర్‌ ఫొటోలు చూశారా !

విశ్వనగరం హైదరాబాద్‌లో మరో ఫ్లై ఓవర్ నేడు అందుబాటులోకి వచ్చింది. ట్రాఫిక్ కష్టాలు తొలగించేందుకు తెలంగాణ ప్రభుత్వం చేపట్టిన పనులలో భాగంగా నిర్మించిన బహదూర్ పురా ప్లైఓవర్‌ను రాష్ట్ర ఐటీ, పురపాలక శాఖల మంత్రి కేటీఆర్ ప్రారంభించారు. (Photos Credit: Twitter)

నగరం నుంచి శంషాబాద్ విమానాశ్రయం, మహబూబ్ నగర్ జిల్లాల వైపు రాకపోకలు సాగించే వారికి ట్రాఫిక్ కష్టాలు పరిష్కరించేందుకు పాతబస్తీలోని బహదూర్ పురా జంక్షన్ వద్ద టీఆర్ఎస్ సర్కార్ ఫ్లై ఓవర్ నిర్మించింది. ఈ ఫ్లై ఓవర్ పొడవు 690 మీటర్లు. (Photos Credit: Twitter)

వీటితో పాటు దాదాపు రూ. 500 కోట్లతో చేపట్టనున్న ముర్గీచౌక్, మీరాలం మండి, సర్దార్ మహల్ ఆధునీకరణ మరియు పలు అభివృద్ధి పనులకు మంత్రి కేటీఆర్ శంకుస్థాపన చేశారు. (Photos Credit: Twitter)

ఈ కార్యక్రమంలో హోం మంత్రి మహమూద్ అలీ, ఎంపీ అసదుద్దీన్ ఒవైసీ, ఎమ్మెల్సీ సురభివాణి దేవి, హైదరాబాద్ సీపీ సీవీ ఆనంద్, తదితరులు పాల్గొన్నారు. (Photos Credit: Twitter)

బహదూర్ పుర ఫ్లై ఓవర్ అందుబాటులోకి రావడంతో నగరంలోని పాతబస్తీ ఏరియాలో ట్రాఫిక్ కష్టాలు దాదాపుగా తగ్గనున్నాయి. ఈ ఫ్లైవర్ ద్వారా తూర్పు ప్రాంతం నుంచి శంషాబాద్ వరకు, శంషాబాద్ నుంచి తూర్పు ప్రాంతం మధ్య రాకపోకలు సులభతరం కానున్నాయి. (Photos Credit: Twitter)

బహదూర్ పుర ఫ్లై ఓవర్ నిర్మాణం, భూ సేకరణ నిమిత్తం రూ.108 కోట్లు మేర రాష్ట్ర ప్రభుత్వం ఖర్చు చేసింది. అదే సమయంలో ఫ్లై ఓవర్ కింది భాగంలో సుందరీకరణ పనులకు సైతం ప్రభుత్వం శ్రీకారం చుట్టింది. ఈ ఫ్లై ఓవర్ ద్వారా ఆరాంఘర్ నుంచి ఉప్పల్ వరకు ట్రాఫిక్ సమస్యలు తీరనున్నాయి. (Photos Credit: Twitter)

ఫ్లై ఓవర్‌తో పాటు దాదాపు రూ. 500 కోట్లతో చేపట్టనున్న ముర్గీచౌక్, మీరాలం మండి, సర్దార్ మహల్ ఆధునీకరణ మరియు పలు అభివృద్ధి పనులకు మంత్రి కేటీఆర్ శంకుస్థాపన చేశారు. (Photos Credit: Twitter)

బహదూర్ పురా ప్లైఓవర్‌ డ్రోన్ ఫొటో (Photos Credit: Twitter)

బహదూర్ పురా ప్లైఓవర్‌ నేడు అందుబాటులోకి వచ్చింది. హైదరాబాద్ నుంచి శంషాబాద్ ఎయిర్ పోర్ట్, అటువైపు జిల్లాలకు వెళ్లే వారికి ట్రాఫిక్ కష్టాలు తీరతాయి. (Photos Credit: Twitter)