Green India Challenge: మొక్కలు నాటిన ప్రముఖ సింగర్ శ్రీ లలిత.. మరో ముగ్గురికి ఛాలెంజ్

టీఆర్ఎస్ ఎంపీ, రాజ్యసభ సభ్యుడు జోగినిపల్లి సంతోష్ కుమార్ చేపట్టిన గ్రీన్ ఇండియా ఛాలెంజ్ విజయవంతంగా కొనసాగుతోంది.

ఈ కార్యక్రమంలో భాగంగా జూబ్లీహిల్స్ జీహెచ్ఎంసీ పార్క్‌లో ప్రముఖ సింగర్ శ్రీ లలిత మొక్కలు నాటారు. ఎంపీ సంతోష్ కుమార్ చేపట్టిన కార్యక్రమంలో పాల్గొని మొక్కలు నాటడం సంతోషంగా ఉందన్నారు.

ప్రకృతి మనకు తల్లిలాంటిది అని అలాంటి ప్రకృతిని కాపాడుకోవాల్సిన బాధ్యత మనందరి మీద ఉందని సింగర్ శ్రీ లలిత అన్నారు. ప్రతి ఒక్కరు మొక్కలు నాటితే రాబోయే తరాలకు మంచి వాతావరణాన్ని అందించడం సాధ్యమన్నారు.

మొక్కలు నాటేందుకు సింగర్స్ షణ్ముఖ ప్రియ, రమ్య బెహ్రా, రాస్తా రామ్ లకు గ్రీన్ ఇండియా ఛాలెంజ్ విసిరారు.