SRH vs RR, IPL 2023: రాయల్స్ అరాచక బ్యాటింగ్‌కు సన్‌రైజర్స్‌ బలి!
సన్ రైజర్స్ పై 76 పరుగుల తేడాతో గెలుపు రాజస్థాన్ రాయల్స్ విజయ ఢంకా మోగించింది. యుజ్వేంద్ర చాహల్‌ (4/17), ట్రెంట్‌ బౌల్ట్‌ (2/21) దెబ్బకు రైజర్స్ విలవిల్లాడారు.
Download ABP Live App and Watch All Latest Videos
View In Appసన్ రైజర్స్ లో అబ్దుల్‌ సమద్‌ (32*; 32 బంతుల్లో 2x4, 1x6), మయాంక్‌ అగర్వాల్‌ (27; 23 బంతుల్లో 3x4) టాప్‌ స్కోరర్స్‌ అంటేనే సిచ్యువేషన్‌ ఏంటో అర్థం చేసుకోవచ్చు.
రాజస్థాన్‌లో ఓపెనర్లు జోస్‌ బట్లర్‌ (54; 22 బంతుల్లో 7x4, 3x6), యశస్వీ జైశ్వాల్‌ (54; 37 బంతుల్లో 9x4), కెప్టెన్‌ సంజూ శాంసన్‌ (55; 32 బంతుల్లో 3x4, 4x6) వరుసగా హాఫ్ సెంచరీలు బాదేశారు.
టార్గెట్‌ డిఫెండ్‌ చేసే జట్టుకు ఎలాంటి బౌలింగ్‌ స్పెల్‌ అవసరమో ట్రెంట్‌ బౌల్ట్‌ వేసి చూపించాడు. బంతిని రెండు వైపులా స్వింగ్‌ చేస్తూ హడలెత్తించాడు. సన్‌రైజర్స్‌ పరుగుల ఖాతా తెరకముందే మూడో బంతికి అభిషేక్ శర్మ (0)ను క్లీన్‌ బౌల్డ్‌ చేశాడు. వన్‌డౌన్‌లో వచ్చిన రాహుల్‌ త్రిపాఠి (0)ని ఐదో బంతికి ఔట్‌ చేసి దెబ్బకొట్టాడు
ఈ క్రమంలో మయాంక్‌ అగర్వాల్‌, హ్యారీ బ్రూక్‌ (13; 21 బంతుల్లో) నెమ్మదిగా ఆడారు. మూడో వికెట్‌కు 37 బంతుల్లో 34 పరుగుల భాగస్వామ్యం అందించారు. అయితే 34 వద్ద హ్యారీ బ్రూక్‌ను చాహల్‌ క్లీన్‌ బౌల్డ్‌ చేశాడు.
మరో 5 పరుగులకే వాషింగ్టన్‌ సుందర్‌ (1)ను హోల్డర్‌ పెవిలియన్‌ పంపాడు. దాంతో 39/4తో సన్‌రైజర్స్‌ స్ట్రాటజిక్‌ టైమౌట్‌ తీసుకుంది. ఆ తర్వాతా.. వారికేం భాగస్వామ్యాలు రాలేదు. 4 రన్స్‌ తేడాతోనే ఫిలిప్స్‌ (8)ను అశ్విన్‌, మయాంక్‌ను చాహల్‌ పెవిలియన్‌ పంపడంతో హైదరాబాద్ ఓటమి లాంఛనంగా మారింది.
ఆఖర్లో ఆదిల్‌ రషీద్‌ (18), అబ్దుల్‌ సమద్‌, ఉమ్రాన్‌ మాలిక్‌ (19*; 8 బంతుల్లో) పోరాటం ఉత్తిదే అయింది.