Mohammed Siraj: లగ్జరీ కారు కొన్న టీమిండియా స్పీడ్ గన్ సిరాజ్
టీమిండియా క్రికెటర్ మహ్మద్ సిరాజ్ ఫ్యామిలీ కోసం డ్రీమ్ కారు కొనుగోలు చేశాడు.
విలాసవంతమైన ల్యాండ్ రోవర్ ఎస్యూవీని సిరాజ్ మియా కొన్నాడు. తన కొత్త కారు ఫొటోలను సిరాజ్ ఇన్స్టాగ్రామ్లో పోస్ట్ చేశాడు.
ఇప్పటికే సిరాజ్ దగ్గర విలాసవంతమైన కార్లు చాలానే ఉన్నాయి. BMW 5 సిరీస్ సెడాన్ కూడా సిరాజ్ గ్యారేజీలో ఉంది. సిరాజ్ కార్ కలెక్షన్లో మెర్సిడెస్ బెంజ్ కూడా ఉంది.
రీసెంట్గా సిరాజ్కు తెలంగాణ ప్రభుత్వం ఇంటి స్థలం కేటాయించింది. జూబ్లీహిల్స్లో 600 చదరపు గజాల స్థలాన్ని కేటాయిస్తూ రాష్ట్ర ప్రభుత్వం జీవో జారీ చేసింది.
2024 టీ20 ప్రపంచ కప్ ట్రోఫీని భారత క్రికెట్ జట్టు గెలుచుకున్న విషయం తెలిసిందే. హైదరాబాద్కు చెందిన స్టార్ బౌలర్ సిరాజ్ కూడా ఈ ట్రోఫీని గెలిచిన జట్టులో సభ్యుడిగా ఉన్నాడు.
ఈ నేపథ్యంలో బీసీసీఐ ప్రకటించిన రూ. 125 కోట్ల నజరానాలో అతనికి రూ 5 కోట్లు వచ్చాయి. ఇప్పుడీ డబ్బుతోనే సిరాజ్ ల్యాండ్ రోవర్ కారు కొని ఉంటాడని నెటిజన్లు కామెంట్స్ చేస్తున్నారు.