కొత్త బైక్, కొత్త కారు, బంగారం... సెప్టెంబర్ 07 to సెప్టెంబర్ 21 వరకు కొనుగోలు చేయకూడదు! ఎందుకంటే?
పితృ పక్షంలోని 15 రోజులు పితృదేవతలకోసం తర్పణం , పిండ ప్రదానం చేస్తారు. ఈ సంవత్సరం పితృ పక్షం సెప్టెంబర్ 7 న ప్రారంభమై సెప్టెంబర్ 21 వరకు కొనసాగుతుంది.
ఈ 15 రోజులలో చాలా నియమాలను పాటించాలి. అలాగే, ఈ సమయంలో కొన్ని వస్తువులను కొనడం కూడా అశుభంగా పరిగణిస్తారు.
ఆస్తి కొత్త ఆస్తి, ఫ్లాట్లు, భూమి లేదా దుకాణాలు మొదలైనవి కొనడం పితృ పక్షంలో మంచిదికాదంటారు. ఈ సమయంలో కొనుగోలు చేసిన ఈ వస్తువుల వల్ల లాభం కన్నా నష్టం ఎక్కువ ఉంటుందని నమ్మకం.ఈ సమయంలో కొత్త వాహనం కూడా కొనుగోలు చేయకూడదు
ఆభరణాలు పితృ పక్షంలో బంగారం, వెండి ఆభరణాలు కొనకూడదు. అలా చేయడం వల్ల పితృదేవతలు కోపగిస్తారట. ఈ 15 రోజుల్లో నూతన వస్త్రాలు కూడా కొనుగోలు చేయకూడదని చెబుతారు
కొత్త పాత్రలు పితృ పక్షం 15 రోజులలో ఇంటి కోసం కొత్త పాత్రలు కొనకూడదు. శ్రాద్ధ కర్మల కోసం మీరు ఇంటి పాత పాత్రలు లేదా ఆకులను ఉపయోగించవచ్చు.
ఎలక్ట్రానిక్స్ సామాన్లు ఫ్రిజ్ కంప్యూటర్ యంత్రాలు మొదలైనవి కొనడం కూడా పితృ పక్షంలో అశుభం. ఈ సమయంలో మీరు భోగ విలాసాలకు సంబంధించిన వస్తువులను కొనకపోవడమే మంచిది.
వంట సామాగ్రి: పితృ పక్ష సమయంలో వంటగదికి సంబంధించిన కొన్ని వస్తువులను అంటే ఆవాల నూనె, చీపురు , ఉప్పు కొనకూడదు. దీనివల్ల త్రిదోషం కలుగుతుందని, అనేక ఇబ్బందులు ఎదురవుతాయని నమ్ముతారు.