O Cheliya Songs: మంచు మనోజ్ విడుదల చేసిన 'ఓ చెలియా' పాట... నువ్వే చెప్పు చిరుగాలి!

నాగ ప్రణవ్, కావేరి కర్ణిక, ఆద్య రెడ్డి ప్రధాన పాత్రల్లో నటించిన సినిమా 'ఓ చెలియా'.  దీనికి ఎం. నాగ రాజశేఖర్ రెడ్డి దర్శకులు. ఎస్‌ఆర్ఎస్ మూవీ క్రియేషన్స్, ఇందిరా దేవీ ప్రొడక్షన్స్ పతాకాలపై రూపాశ్రీ కొపురు నిర్మిస్తున్నారు. ఈ సినిమాలోని మొదటి పాటను రాకింగ్ స్టార్ మంచు మనోజ్ విడుదల చేశారు.

'నువ్వే చెప్పు చిరుగాలి...' అంటూ సాగే 'ఓ చెలియా' సినిమాలో పాటను మంచు మనోజ్ విడుదల చేశారు. ఆ పాటను సాయి చరణ్ పాడగా... ఎంఎం కుమార్ సంగీతం అందించారు. సుధీర్ బగడి రాశారు. 

'నువ్వే చెప్పు చిరుగాలి...' సాంగ్ చూస్తే అలిగిన ప్రేయసిని కూల్ చేయడానికి హీరో ట్రై చేస్తునట్టు అర్థం అవుతోంది. హీరో హీరోయిన్స్ మధ్య కెమిస్ట్రీ బావుంది. 

'ఓ చెలియా' సినిమాకు సురేష్ బాలా సినిమాటోగ్రాఫర్. ఉపేంద్ర ఎడిటర్‌. త్వరలో విడుదల తేదీ వెల్లడించనున్నారు.