Oats Omelette Recipe : ఓట్స్ ఆమ్లెట్ రెసిపీ.. పోషకాలతో నిండిన హెల్తీ బ్రేక్ఫాస్ట్కి బెస్ట్ ఆప్షన్
జిమ్కి వెళ్లేవారే కాదు.. ఆరోగ్యంగా ఉండాలనుకునేవారు కూడా బ్రేక్ఫాస్ట్లో ఓట్స్ ఆమ్లెట్ని తీసుకోవచ్చు. మరి దీనిని ఇంట్లోనే ఎలా హెల్తీగా, టేస్టీగా చేసుకోవాలో చూసేద్దాం.
అరకప్పు రోల్డ్ ఓట్స్, 2 ఎగ్స్, ఉల్లిపాయ పావు కప్పు, టొమాటో పావు కప్పు, పచ్చిమిర్చి 1, క్యాప్సికమ్ పావు కప్పు, కొత్తిమీర 1 టేబుల్ స్పూన్, రుచికి తగినంత ఉప్పు, మిరియాల పొడి పావు టీస్పూన్, పసుపు పావు టీస్పూన్, 2 టేబుల్ స్పూన్ల నీరు లేదా పాలు, 1 టీస్పూన్ నెయ్యి సిద్ధం చేసుకోవాలి.
ఓట్స్ని నీళ్లు లేదా పాలు వేసి మెత్తగా గ్రైండ్ చేసుకోవాలి. లేదంటే మీరు క్రంచీ ఫ్లేవర్ కోసం నేరుగా గ్రైండ్ చేయకుండా కూడా ఉపయోగించవచ్చు.
ఓట్స్ను మిక్సింగ్ బౌల్లోకి తీసుకుని గుడ్లు, తరిగిన కూరగాయలు, ఉప్పు, మిరియాల పొడి, పసుపు వేసి బాగా కలపాలి.
స్టౌవ్ వెలిగించి పాన్ వేడి చేసి.. నాన్స్టిక్ లేదా ఐరన్ పాన్పై నూనె వేసి మంట మీడియం ఉంచాలి.
ఇప్పుడు ముందుగా రెడీ చేసుకున్న మిశ్రమాన్ని పాన్ మీద పోసి సమంగా పరచండి. దానిపై మూత పెట్టి 2–3 నిమిషాలు ఉడికించాలి.
మరోవైపు తిప్పి.. మూత లేకుండా 1 లేదా 2 నిమిషాలు బంగారు రంగు వచ్చే వరకు కుక్ చేయాలి. అంతే టేస్టీ టేస్టీ ఓట్స్ ఆమ్లెట్ రెడీ.