President Murmu: సైనా నెహ్వాల్‌తో ఛాంపియన్‌లా బ్యాడ్మింటన్ ఆడిన రాష్ట్రపతి ద్రౌపది ముర్ము
నిత్యం అధికారిక కార్యక్రమాలతో తీరిక లేకుండా గడిపే రాష్ట్రపతి ద్రౌపది ముర్ము క్రీడాకారిణి అవతారం ఎత్తారు. షటిల్ రాకెట్‌ పట్టి ఉత్సాహంగా కనిపించారు.
Download ABP Live App and Watch All Latest Videos
View In Appరాష్ట్రపతి ద్రౌపది ముర్ము భారత స్టార్ ప్లేయర్ సైనా నెహ్వాల్‌తో ఓ ఛాంపియన్‌లాగ బ్యాడ్మింటన్ ఆడారు. రాష్ట్రపతి భవన్‌లోని బ్యాడ్మింటన్ కోర్ట్‌లో ద్రౌపది ముర్ము సరదాగా సైనా నెహ్వాల్‌తో కొంత సమయం బ్యాడ్మింటన్ గేమ్ ఆడారు
రాష్ట్రపతి ముర్ము నిల్చున్న చోటు నుంచే కదలకుండా షటిల్ రాకెట్‌తో రఫ్ఫాడించేశారు. పద్మ పురస్కారాల గ్రహీత సైనా నెహ్వాల్ తో బుధవారం నాడు సరదాగా బ్యాడ్మింటన్ ఆడుతూ చురుకుగా కనిపించారు.
రాష్ట్రపతి ద్రౌపది ముర్ము ఆ సమయంలో లేత గులాబీ సల్వార్- కుర్తా, స్పోర్ట్స్ షూ ధరించి గేమ్ ఆడుతూ కనిపించారు. ముర్ము ఈ వయసులోనూ చాలా యాక్టివ్‌గా గేమ్ ఆడటాన్ని చూసిన వారు ఆశ్చర్యానికి లోనవుతున్నారు.
రాష్ట్రపతి ముర్ము, స్టార్ ప్లేయర్ సైనా నెహ్వాల్‌తో బ్యాడ్మింటన్ ఆడిన వీడియో సోషల్ మీడియాలో వైరల్ అవుతోంది. 'హర్ స్టోరీ - మై స్టోరీ' లెక్చర్ సిరీస్‌లో భాగంగా సైనా సెహ్వాల్ గురువారం ప్రసంగించనున్నారు.
మహిళా ప్లేయర్లు ప్రపంచ వేదికపై భారత్‌కు ప్రాతినిథ్యం వహించి గొప్ప ప్రభావాన్ని చూపుతున్నారని రాష్ట్రపతి ముర్ము కొనియాడారు. బ్యాడ్మింటన్ పవర్ హౌస్‌గా భారతదేశం ఆవిర్భవించటానికి అవకాశం ఉందన్నారు.