వారణాసిలో పానీ పూరీ, చాట్ మసాలా తిన్న నీతా అంబానీ- కాశీలో కుమారుడి పెళ్లి పత్రికకు ప్రత్యేక పూజలు
అనంత్ అంబానీ, రాధిక మర్చంట్ వివాహ పత్రికకు కాశీవిశ్వనాథుడి ఆలయంలో ప్రత్యేక పూజలు చేశారు నీతా అంబానీ
అనంత్ అంబానీ, రాధిక మర్చంట్ పెళ్లి పత్రికను శివుని పాదాల వద్ద ఉంచారు.
అనంత్ అంబానీ, రాధిక మర్చెంట్ వివాహం జులై 12న అంగరంగవైభవంగా జరగనుంది.
ముంబైలోని బాంద్రా కాంప్లెక్స్లో ఉన్న జియో వరల్డ్ సెంటర్లో మూడు రోజుల పాటు జరిగే వేడుక కోసం ప్రత్యేక ఏర్పాట్లు చేస్తున్నారు.
వివాహం కోసం వివిధ ప్రముఖులను ఆహ్వనించేందుకు అంబానీ ఫ్యామిలీ ప్రత్యేక పెళ్లి కార్డును డిజైన్ చేశారు.
తొలి కార్డును కాశీ విశ్వనాథుడి పాదాల చెంత ఉంచి ప్రత్యేక పూజలు చేశారు నీతా అంబానీ. అనంతరం కాశీ వీధుల్లో తిరిగి అక్కడ వంటకాలు అక్కడి వారితో మాట్లాడారు.
అంబానీల స్నేహితులు, కుటుంబ సభ్యుల కోసం ప్రీ-వెడ్డింగ్ వేడుకను మధ్యే నిర్వహించారు. ఇటలీ, ఫ్రాన్స్లలో జరిగిన నాలుగు రోజుల గాలాకు సెలబ్రిటీలంతా హాజరయ్యారు. గుజరాత్లోని జామ్నగర్లో మార్చిలో మొదటి ప్రీ వెడ్డింగ్ వేడుకలు చేశారు.
కాశీ విశ్వనాథుడి సన్నిధిలో పూజలు తర్వాత వీధుల్లో తిరుగుతు అక్కడి స్థానిక వంటకాలను రుచి చూశారు రిలయన్స్ ఫౌండేషన్ చైర్పర్సన్, బిలియనీర్ ముఖేష్ అంబానీ భార్య నీతా అంబానీ
నీతా అంబానీ చాట్ షాప్లో దుకాణదారులతో ఇంటరాక్ట్ అవుతూ కనిపించారు. వారు చూపించిన మెనూ నుంచి ఆమె ఇష్టమైన ఆలూ చాట్ ఎంపిక చేశారు.
వారణాసిలోని చాట్ దుకాణానికి వెళ్లి చాట్ తిన్నారు. ఈ సందర్భంగా ముకేష్ అంబానీ ఉండి ఉంటే కచ్చితంగా వీటిని రుచి చూసేవాళ్లని అన్నారు.
ముకేష్ అంబానీకి చాట్ అంటే చాలా ఇష్టమని గుర్తు చేశారు నీతా అంబానీ. ముంబైలోని స్వాతి స్నాక్స్ నుంచి వారానికిఒక్కసారైన ఈ చాట్ను తెప్పించుకుంటారు.
వారణాసిలో నీతా అంబానీతోపాటు డిజైనర్ మనీష్ మల్హోత్రా కూడా ఉన్నారు. గంగా నది ఒడ్డున జరిగే గంగా ఆరతి కార్యక్రమానికి కూడా నీతా అంబానీ హాజరయ్యారు.