Taro Root Side Effects : చామదుంపలు తింటున్నారా? అయితే జాగ్రత్త.. ఆ సమస్యలుంటే చామగడ్డ తినకపోవడమే మంచిదట

చామదుంపలో ఉండే స్టార్చ్, ఫైబర్ జీర్ణక్రియను కష్టతరం చేస్తాయి. ఎక్కువగా తినడం వల్ల పొట్ట ఉబ్బరం, గ్యాస్, భారంగా అనిపించవచ్చు.

చామదుంపను సరిగ్గా ఉడికించకపోతే.. ఇది మలబద్ధకానికి కారణం అవుతుంది. దీని జిగట పేగులలో అడ్డంకులు ఏర్పడేలా చేస్తుంది. దీనివల్ల మలవిసర్జనలో ఇబ్బంది కలుగుతుంది.

కొంతమందికి చామదుంప తిన్న తర్వాత చర్మంపై దురద, దద్దుర్లు లేదా మంట వంటి అలెర్జీలు రావచ్చు. దీనికి కారణం ఏమిటంటే.. ఇందులో ఉండే కాల్షియం ఆక్సలేట్ చర్మానికి చికాకు కలిగించవచ్చు.

చామదుంపల్లో ఆక్సలేట్ శాతం ఎక్కువగా ఉంటుంది. ఇది యూరిక్ ఆమ్లాన్ని పెంచి గౌట్ లేదా కీళ్ల నొప్పులను పెంచుతుంది. కీళ్ల సమస్యలు ఉన్నవారు దానిని తినకపోవడమే మంచిది.

చామదుంపల్లో కేలరీలు, కార్బోహైడ్రేట్ల శాతం ఎక్కువ. మీరు బరువు తగ్గాలనుకుంటే.. దానిని ఎక్కువగా తీసుకోవడం వల్ల మీ బరువు తగ్గించుకునే ప్రణాళికకు నష్టం వాటిల్లే అవకాశం ఉంది.

చామదుంపల్లోని కాల్షియం ఆక్సలేట్ శరీరంలో చేరి కిడ్నీ స్టోన్లకు కారణం కావచ్చు. కిడ్నీ సమస్యలు ఉన్నవారు తీసుకోకపోవడమే మంచిది.

చామగడ్డల్లో ఫైబర్ ఉంటుంది. కానీ అధిక గ్లైసెమిక్ సూచిక కారణంగా ఇది రక్తంలో చక్కెర స్థాయిలను అకస్మాత్తుగా పెంచుతుంది. ఇది డయాబెటిక్ రోగులకు హానికరం కావచ్చు.