Dark Lips : పెదాలు నల్లగా ఉన్నాయా? గులాబీ రంగులోకి మారాలంటే ఈ ఇంటి చిట్కాలు ఫాలో అయిపోండి

రాత్రి పడుకునే ముందు ఒక చెంచా నిమ్మరసంలో కొన్ని చుక్కల తేనె కలిపి పెదవులపై రాయండి. రాత్రంతా అలాగే ఉంచి.. ఉదయం గోరువెచ్చని నీటితో కడగాలి. నిమ్మలో బ్లీచింగ్ ఏజెంట్ ఉంటుంది. ఇది పిగ్మెంటేషన్ తగ్గిస్తుంది. తేనె పెదవులను తేమగా ఉంచుతుంది.

కొన్ని గులాబీ రేకులను పాలలో నానబెట్టండి. 1 గంట తర్వాత పేస్ట్ చేసి పెదవులపై రాయండి. 15 నిమిషాల తర్వాత కడిగేయండి. గులాబీ రేకులు పెదవులకు సహజ గులాబీ రంగును ఇస్తాయి. పాలు చర్మాన్ని మృదువుగా చేస్తాయి.

తాజాగా తీసిన బీట్రూట్ రసంలో దూది ముంచి దానిని పెదవులపై రాయండి. ప్రతిరోజూ రాత్రి పడుకునే ముందు వాడితే మంచి ఫలితాలుంటాయి. బీట్రూట్ సహజమైన ఎరుపు రంగును అందించి.. గులాబీ రంగులోకి మారుస్తుంది.

ప్రతి రాత్రి కొంచెం కొబ్బరి నూనె తీసుకుని పెదవులపై సున్నితంగా 2 నిమిషాల పాటు మసాజ్ చేయండి. కొబ్బరి నూనె పెదవులకు తేమను అందిస్తుంది, పొడిబారకుండా కాపాడుతుంది. వాటి రంగును మెరుగుపరుస్తుంది.

తాజా అలోవెరా జెల్ తీసి రోజుకు రెండుసార్లు పెదవులపై రాయండి. 15 నిమిషాల పాటు ఉంచి.. తరువాత నీటితో కడగాలి. అలోవెరా పెదవులను అందంగా చేస్తుంది.

ఒక టీస్పూన్ చక్కెరలో కొంచెం తేనె, ఆలివ్ నూనె కలపండి. దీనితో పెదవులను సున్నితంగా రుద్దండి. వారానికి 2 సార్లు చేస్తే పెదవులకు మంచిది.