First Aid for Suicide Attempts : ఎవరైనా విషం లేదా నిద్రమాత్రలు తీసుకుంటే చేయాల్సిన ప్రథమ చికిత్స ఇదే.. ప్రాణాలు నిలుస్తాయి

ఎవరైనా విషం తీసుకుంటే.. ఆ వ్యక్తి మరణం తీసుకునే విషం రకంపై ఆధారపడి ఉంటుంది. ఏ విషం తీసుకున్నారు. ఎంతసేపు ముందు తీసుకున్నారు. ఎంత మోతాదులో తీసుకున్నారనే దానిపై డెత్ ఆధారపడి ఉంటుంది. ఎందుకంటే కొన్ని విషాల్లో తక్కువ, మరికొన్ని ఎక్కువ విషపూరితమైనవి ఉంటాయి.

నిద్ర మాత్రలు, టాబ్లెట్లు లేదా క్యాప్సుల్స్ వంటివి నేరుగా కడుపులోకి వెళ్లి కొద్దిసేపట్లో ప్రభావం చూపుతాయి. కానీ ఎలుకల మందు, ఫినాయిల్ లేదా ఇతర క్రిమిసంహారక మందులు త్వరగా, చాలా ప్రమాదకరంగా మారతాయి.

వివిధ పరిస్థితులకు అనుగుణంగా ప్రభావం కనిపించడం మొదలవుతుంది. విషం ఎక్కువ మోతాదులో తీసుకున్నప్పుడు మరణానికి కారణమవుతుంది. అటువంటి పరిస్థితిలో బాధితుడిని రక్షించడానికి ప్రాథమిక చర్యలు అవసరం.

విష ప్రభావం తక్కువగా ఉన్న వాటిని తీసుకున్న తర్వాత వాంతి చేసుకుంటారు. కానీ వారు వాంతి చేసుకోకపోతే.. వారితో వాంతి చేయించడం అవసరం. లోపల ఉన్నది బయటకు కక్కే విధంగా ఏమైనా చేయాల్సి ఉంటుంది.

వాంతి చేయించడం కోసం రోగికి ఆవాల గింజలను నీటిలో నూరి ఆ పేస్ట్​ను చెంచాతో తినిపించాలి. దీని తరువాత రోగి వాంతి చేసుకునే అవకాశముంది.

ఆవాలు లేకపోతే.. ఒక గ్లాసు నీటిలో ఒక గుప్పెడు ఉప్పు కలిపి తాగించాలి. దీనివల్ల కూడా రోగి కొంత సమయం తర్వాత వాంతి చేసుకుంటాడు.

దగ్గర్లో ఉప్పు, ఆవాలు అందుబాటులో లేకుంటే.. ఆస్పత్రికి తీసుకెళ్లే లోపు పరిస్థితి చేజారిపోతుందనిపిస్తే గొంతులో వేలు పెట్టి వాంతి చేయించడానికి ప్రయత్నించాలి. మెడ వెనుక భాగాన్ని నెమ్మదిగా తట్టాలి.