Knee Pain : మోకాళ్ల నొప్పిని నిర్లక్ష్యం చేస్తే భవిష్యత్తులో పెద్ద సమస్యలు.. వైద్యుల హెచ్చరికలివే
మోకాళ్ల నొప్పులను చాలామంది నిర్లక్ష్యం చేస్తారు. దీనివల్ల చిన్న సమస్య కూడా తీవ్రమైన గాయం లేదా వాపుకు దారి తీస్తుంది.
కీళ్లు, బిగుసుకున్న కండరాలతో అకస్మాత్తుగా వ్యాయామం చేయడం గాయానికి ప్రధాన కారణం. నిపుణుల అభిప్రాయం ప్రకారం కొన్ని నిమిషాల వార్మ్-అప్ కీళ్లను ఎక్కువ కాలం సురక్షితంగా ఉంచుతుంది.
అంతేకాకుండా నిపుణులు కండరాల బలం మాత్రమే కాదు.. వశ్యతకు కూడా అవసరమని చెబుతున్నారు. కీళ్లు పట్టేయడాన్ని తేలికగా తీసుకుంటే.. అది ఫ్యూచర్లో మరింత ఒత్తిడి పెంచుతుందని చెప్తున్నారు. కాబట్టి ముందుగానే జాగ్రత్తలు తీసుకోవాలంటున్నారు.
చిన్న గాయం లేదా నొప్పిని తేలికగా తీసుకునే అలవాటు దీర్ఘకాలంలో నష్టాన్ని కలిగిస్తుందని నిపుణులు కూడా చెబుతున్నారు. ప్రారంభ పరీక్షతో అనేక సమస్యలను పెరగకుండా నిరోధించవచ్చు.
నొప్పిని తగ్గించే క్రీమ్ లేదా స్ప్రేలు తాత్కాలికంగా ఉపశమనం ఇస్తాయని చెబుతున్నారు. కానీ ఆ నొప్పిని ఎక్కువ కాలం నిర్లక్ష్యం చేయడం మంచిది కాదని.. వాస్తవానికి కీళ్ల నొప్పులలో అసలైన మెరుగుదల బలం, స్థిరత్వం, సరైన అలవాట్లతో వస్తుందని చెప్తున్నారు.
సరిగ్గా కూర్చోకపోవడం, నిలబడటం లేదా నడవటం వల్ల కీళ్లపై అసమతుల్య ఒత్తిడి ఏర్పడుతుంది, ఇది కాలక్రమేణా నొప్పికి కారణమవుతుంది. వైద్యుల ప్రకారం సరిగ్గా కూర్చోవడం, భంగిమ కీళ్లను రక్షిస్తుంది.
అలాగే బలహీనమైన కండరాలు కీళ్లపై ఎక్కువ ప్రభావాన్ని చూపుతాయి. దీనివల్ల మోకాళ్లు, తుంటి, వెన్నునొప్పి సమస్యలు పెరుగుతాయి. అందుకే కండర బలంపై కూడా ఫోకస్ చేయాల్సి ఉంటుంది.
చిన్నపాటి బెణుకు లేదా లాగడం వంటి వాటిని కూడా గమనించడం ముఖ్యం. చిన్నపాటి గాయం లేదా బెణుకును నిర్లక్ష్యం చేస్తే నడక విధానం మారుతుంది. ఇది భవిష్యత్తులో పెద్ద నొప్పికి కారణం కావచ్చు.