Flaxseed Benefits : బరువును తగ్గించడానికి అవిసెగింజలు ఇలా తీసుకోండి.. ఆ తప్పులు చేయొద్దు

అవిసె గింజలను కొద్దిగా వేయించి పొడి చేసుకోండి. ప్రతిరోజూ ఒక చెంచా గోరువెచ్చని నీటితో తీసుకోండి. ఇది జీర్ణక్రియను మెరుగుపరుస్తుంది. శరీరంలో కొవ్వు నిల్వ సామర్థ్యాన్ని తగ్గిస్తుంది.

ఒక చెంచా అవిసె గింజలను రాత్రిపూట నీటిలో నానబెట్టండి. ఉదయం వడకట్టి ఆ నీరు తాగండి. ఇది నిర్విషీకరణ చేస్తుంది. జీవక్రియను పెంచుతుంది. బరువు తగ్గడానికి సహాయపడుతుంది.

అవిసె గింజల పొడిని స్మూతీ, పెరుగు లేదా ఓట్స్​లో కలిపి తినండి. దీనివల్ల మీకు ఆరోగ్యకరమైన పీచు పదార్థం లభిస్తుంది. దీనివల్ల ఎక్కువసేపు ఆకలి అనిపించదు. తద్వారా అతిగా తినడం కంట్రోల్ అవుతుంది.

రోజుకు 1 నుంచి 2 టీస్పూన్ల కంటే ఎక్కువ అవిసె గింజలు తీసుకోకండి. ఎక్కువ మోతాదులో తీసుకుంటే కడుపులో గ్యాస్, ఉబ్బరం లేదా లూజ్ మోషన్స్ వంటివి ఏర్పడవచ్చు. ఇది మీకు ఎక్కువ సమస్యలను కలిగిస్తుంది.

చాలా మంది పచ్చి అవిసె గింజలను నమిలి తింటారు. దీని తొక్క గట్టిగా ఉంటుంది. ఇది సరిగ్గా జీర్ణం కాదు. శరీరంలో శోషణ జరగదు. కాబట్టి నానబెట్టి లేదా పౌడర్ చేసుకుని తీసుకోవాలి.

మీరు గర్భవతిగా ఉంటే, ఇతర మందులు ఉపయోగిస్తున్నా.. అవిసె గింజలు తీసుకునే ముందు డాక్టర్ సలహా తప్పనిసరిగా తీసుకోండి. అవిసె గింజలు కొన్ని వైద్య పరిస్థితులలో హార్మోన్ల ప్రభావాన్ని చూపించవచ్చు.