Bottle Gourd Benefits : బరువును తగ్గించే సొరకాయ.. డైట్లో చేర్చుకోవాలనుకుంటే ఈ రెసిపీలు ట్రై చేయండి
సొరకాయను మంచి రుచికోసం తినాలనుకుంటే శనగపప్పుతో కలిపి వండుకోవచ్చు. సొరకాయ, శనగపప్పు కలిపి చేసుకుంటే రుచిని మరింత పెరుగుతుంది. ఇలా చేసుకోవడం వల్ల ప్రోటీన్ కూడా బాగా అందుతుంది. దీనిని మీరు రోటీతో లేదా అన్నంతో తినవచ్చు.
సొరకాయను తినాలనుకుంటే.. హల్వాను మీ డైట్లో చేర్చుకోవచ్చు. దీన్ని మీరు కరెక్ట్గా చేసుకుంటే అద్భుతమైన రుచిని పొందగలుగుతారు. ఇది రుచికరమైనది, పోషకాలతో నిండి ఉంటుంది. దీన్ని పాలు, నెయ్యిలో ఉడికిస్తారు. ఇది ఆరోగ్యానికి కూడా మేలు చేస్తుంది.
సొరకాయ రసం కూడా తాగవచ్చు. ఇది పోషకాలతో నిండి ఉంటుంది. పుదీనా, నిమ్మకాయను సొరకాయ రసంలో కలిపి తీసుకోవచ్చు. ఇది శరీరాన్ని డీటాక్స్ చేయడానికి, వేడిని తగ్గించి చల్లార్చడానికి, బరువు తగ్గడానికి సహాయపడుతుంది.
మీకు కోఫ్తా ఇష్టమైతే.. మీరు సొరకాయతో కోఫ్తా తయారు చేసి తీసుకోవచ్చు. మీరు దీన్ని డీప్ ఫ్రై చేయడానికి బదులుగా కొద్దిగా ఆవిరితో ఉడికించి టొమాటో గ్రేవీతో ఆనందించవచ్చు.
ఆలూ, కాలీఫ్లవర్, ఉల్లిపాయ లేదా ఇతర పరాఠాలు తిని విసిగిపోతే కనుక.. మీరు సొరకాయతో పరాఠాను చేసుకోవచ్చు. దీనిలో ఫైబర్ అధికంగా ఉంటుంది. బ్రేక్ఫాస్ట్కి ఇది బెస్ట్ అవుతుంది.
సొరకాయ సూప్ తాగడం మీకు నచ్చితే.. మీరు కచ్చితంగా మీ డైట్లో దీనిని చేర్చుకోవచ్చు. ఇది తేలికపాటి, తక్కువ కేలరీలతో ఉంటుంది. ఇది హెల్తీ సూప్ అవుతుంది.
మీరు సొరకాయను మీ ఆహారంలో చేర్చుకోవాలనుకుంటే.. వీటిలో ఏ రకంగా అయినా దీనిని తీసుకోవచ్చు. ఇవి మంచి రుచిని ఇవ్వడంతో పాటు.. ఆరోగ్యానికి మేలు చేస్తాయి.