Calcium : ఎముకలు దృఢంగా ఉండాలంటే తినాల్సిన ఫుడ్స్ ఇవే.. కాల్షియం రోజుకు ఎంత తీసుకోవాలో తెలుసా?

కాల్షియం అనేది శరీరానికి కచ్చితంగా అందించాల్సిన పోషకాల్లో ఒకటి. ఇది బోన్స్ హెల్త్​ని మెరుగుపరచడంతో పాటు.. కండర ద్రవ్యరాశికి హెల్ప్ చేస్తుంది. దెబ్బలు తగిలినప్పుడు రక్తం గడ్డ కట్టేలా చేస్తుంది.

ఎముకలు, పంటి ఆరోగ్యానికి కాల్షియం చాలా అవసరం. ఎముకలు విరిగే సమస్యలను తగ్గించడంతో పాటు.. బరువు తగ్గడంలో హెల్ప్ చేస్తుంది.

అందుకే కాల్షియాన్ని పెద్దలు రోజుకు 1000 mg తీసుకుంటే.. ప్రెగ్నెన్సీతో ఉన్నవారు 1400 mg తీసుకోవాలంట. పిల్లలకు 1300 mg కాల్షియం శరీరానికి అందించాల్సి ఉంది.

పాలు, చీజ్, యోగర్ట్ వంటి పాల ఉత్పత్తుల్లో కాల్షియం ఉంటుంది. కాబట్టి కాల్షియం కోసం వీటిని డైట్​లో చేర్చుకోవచ్చు.

కాలే, బ్రకోలి, పాలకూర వంటి ఆకులతో కూడా కాల్షియం శరీరానికి అందుతుంది. సలాడ్స్​లో వీటిని తీసుకోవచ్చు.

ఆరెంజ్ జ్యూస్, సెరెల్స్, ప్లాంట్ బేస్డ్ మిల్క్​లో కూడా కాల్షియాన్ని శరీరానికి అందించే సుగుణాలు ఉంటాయి.

బాదం, నువ్వులు, చియా సీడ్స్ వంటి నట్స్, సీడ్స్​లో కూడా కాల్షియం ఉంటుంది. దీనిని శరీరానికి అందించాలనుకుంటే సలాడ్స్​లో లేదా నేరుగా కూడా తీసుకోవచ్చు.

కాల్షియాన్ని శరీరానికి ఎక్కువ అందిస్తే కిడ్నీలో స్టోన్స్ వచ్చే ప్రమాదముంటుంది. అలాగే ఐరన్​ని శరీరం తీసుకోకుండా చేసి ఇబ్బందులకు గురిచేస్తుంది.