UPSC Interview Tips : యూపీఎస్సీ ఇంటర్వ్యూలో బోర్డు ఏమి అడుగుతుంది? ఎన్ని ప్రశ్నలు ఉంటాయి? ప్రిపరేషన్ టిప్స్

యూపీఎస్సీ ఇంటర్వ్యూను ఒక నిర్దిష్ట నమూనాలో చెప్పలేము. ఇందులో ప్రశ్నల సంఖ్య స్థిరంగా ఉండదు. దీనిని ఎదుర్కోవాలంటే కేవలం విజ్ఞానం ఉంటే సరిపోదు. అభ్యర్థి నిజాయితీ, తర్కం, పరిపాలనా, అవగాహన, ఒత్తిడిలో ఆలోచించే సామర్థ్యాన్ని ఇక్కడ పరీక్షిస్తారు.

యూపీఎస్సీ ఇంటర్వ్యూ ఒక ఫార్మల్ రూమ్​లో జరుగుతుంది. ఎదురుగా ఒక చైర్మన్, 3 నుంచి 4 మంది సభ్యులు ఉంటారు. వీరందరినీ కలిపి బోర్డ్ అంటారు. ఇంటర్వ్యూ రూమ్ వాతావరణం చాలా సీరియస్​గా ఉంటుంది. ఇది చూసి చాలా మంది అభ్యర్థులు భయపడతారు. అయినప్పటికీ బోర్డ్ అభ్యర్థిని కంఫర్టబుల్​గా ఉంచడానికి ప్రయత్నిస్తుంది. అప్పుడే అభ్యర్థి అసలైన వ్యక్తిత్వం బయటకు వస్తుంది.

ఇంటర్వ్యూ సమయంలో అభ్యర్థి పేరు పిలిచినప్పుడు.. తలుపు తట్టి అనుమతి తీసుకోవాలి. అనుమతి వచ్చిన తర్వాత లోపలికి వెళ్లి సమయానికి అనుగుణంగా విష్ చేయాలి. ఉదయం అయితే గుడ్ మార్నింగ్ లేదా మధ్యాహ్నం అయితే గుడ్ ఆఫ్టర్నూన్ చెప్పాలి. కూర్చోమని చెప్పినప్పుడు థాంక్యూ సర్, మేడం అని చెప్పి కూర్చోవాలి. ఈ చిన్న విషయాలు మీ మర్యాదను తెలియజేస్తాయి.

బోర్డు అభ్యర్థిని అతని పేరు, పేరు అర్థం, కుటుంబం, స్వస్థలం, అభిరుచులు, నేపథ్యం గురించి ప్రశ్నలు అడగవచ్చు. ఈ ప్రశ్నల ద్వారా బోర్డు మీ ఆలోచన, ఆత్మవిశ్వాసాన్ని అర్థం చేసుకోవడానికి ప్రయత్నిస్తుంది.

గ్రాడ్యుయేషన్ సబ్జెక్టులు, ఇష్టమైన అంశాలు, ప్రాజెక్టులు లేదా ప్రాథమిక అంశాలపై కూడా ప్రశ్నలు ఉండవచ్చు. దీనితో పాటు దేశ-విదేశాలలో తాజా సంఘటనలు, ప్రభుత్వ విధానాలు, వాటిపై మీ అభిప్రాయం కూడా అడగవచ్చు.

ఇంటర్వ్యూలో కొన్ని కల్పిత పరిస్థితులు కూడా ఇస్తారు. మీరు కష్ట పరిస్థితుల్లో ఎలా నిర్ణయాలు తీసుకుంటారు.. ఎలా స్పందిస్తారో తెలుసుకుంటారు.

అదనంగా ప్రశ్నలకు నిర్దిష్ట సంఖ్య ఉండదు. సాధారణంగా 15 నుంచి 20 లేదా అంతకంటే ఎక్కువ ప్రశ్నలు అడగవచ్చు. కొన్నిసార్లు ఒక సమాధానం నుంచి తదుపరి ప్రశ్న వస్తుంది. మీ DAF అంటే వివరణాత్మక అప్లికేషన్ ఫారమ్ ఇంటర్వ్యూలో చాలా ముఖ్యమైన లింక్. ఎందుకంటే అందులో రాసిన ప్రతి సమాచారం నుంచి ప్రశ్నలు రావచ్చు. అందువల్ల DAF కోసం పూర్తిగా సిద్ధమవ్వడం కూడా చాలా ముఖ్యం.