Rakul Preet Singh Update: మంచులక్ష్మీ కోసం రకుల్ వంటలక్క అవతారం..

మంచు లక్ష్మీ, రకుల్ ప్రీత్ ల స్నేహం గురించి అందరికీ తెలిసిందే. గతంలో వీరిద్దరూ కలిసి తీసుకున్న ఫోటోలను సోషల్ మీడియాలో బాగా ట్రోల్ చేశారు. ఇక మంచు లక్ష్మీ ఏ షో చేసినా దానికి రకుల్ ను గెస్ట్ గా తీసుకొస్తుంటారు. రీసెంట్ గానే మంచు లక్ష్మీ 'ఆహా' కోసం ఓ షో చేస్తున్నారు.

ఇప్పటివరకు సమంత, రానా లాంటి స్టార్లు 'ఆహా' యాప్ లో హోస్ట్ లుగా కనిపించిన సంగతి తెలిసిందే. ఇప్పుడు మంచు లక్ష్మీ 'భోజనంబు' అంటూ వంటల ప్రోగ్రాంను హోస్ట్ చేస్తున్నారు. ఈ షో మొదటి ఎపిసోడ్ కి గెస్ట్ గా విశ్వక్ సేన్ వచ్చారు. ఆయనతో స్పెషల్ వంటకం చేయించారు మంచులక్ష్మీ.

ఈ షో స్పెషాలిటీ ఏంటంటే.. గెస్ట్ గా వచ్చిన వారి ఆత్మీయుల నుండి సర్ప్రైజ్ వస్తుంది. అందులో వచ్చిన వాటిని వాడుతూ వంటలు వండాల్సి ఉంటుంది. విశ్వక్ సేన్‌కు అభినవ్ గోమటం కొన్ని వస్తువులను పంపగా.. వాటిని విశ్వక్ వంట చేశారు.

రెండో ఎపిసోడ్ కి గెస్ట్ గా వచ్చిన రకుల్ కి ఆమె సోదరుడు అమన్ ప్రీత్ సింగ్ కొన్ని వస్తువులను పంపారు. ఈ వస్తువులతో రకుల్ స్పెషల్ డిష్ ను సిద్ధం చేసింది. వీరిద్దరూ కలిసి ఈ షోలో చేసిన సందడికి ఫ్యాన్స్ ఫిదా అవుతున్నారు.