Niharika Konidela - Raghavendra Rao: నెట్టింట నిహారిక వీడియో వైరల్... 'ఇరువురి భామల కౌగిలిలో' ఓపెనింగ్ - అసలు విషయం ఏమిటంటే?
నిహారిక కొణిదెల ఇటీవల 'ఇరువురి భామల కౌగిలిలో' ప్రారంభోత్సవానికి హాజరు అయ్యారు. ఎందుకంటే... అందులో హీరో త్రినాథ్ వర్మ. నిహారిక నిర్మించిన 'కమిటీ కుర్రోళ్ళు'లో ఆయన ఓ రోల్ చేశారు. ఆ ప్రారంభోత్సవానికి దర్శకేంద్రుడు కె రాఘవేంద్ర రావు సైతం హాజరు అయ్యారు. ఎందుకంటే... 'ఇరువురి భామల కౌగిలిలో' చిత్రానికి ఆయన దర్శకత్వ పర్యవేక్షణ చేస్తున్నారు. ఆ ఈవెంట్లో నిహారిక - రాఘవేంద్ర రావు వీడియో నెట్టింట వైరల్ అవుతోంది. నిహారికను ఆయన అసభ్యంగా తాకినట్టు కనబడుతోంది.
అచ్యుత్ చౌదరి దర్శకత్వంలో దీపా ఆర్ట్స్ పతాకంపై 'ఇరువురు భామల కౌగిలిలో' చిత్రాన్ని శ్రీనివాస గౌడ్ నిర్మిస్తున్నారు. పూజ తర్వాత నటీనటులు, దర్శక - నిర్మాతలకు రాఘవేంద్ర రావు స్క్రిప్ట్ అందచేశారు. ఇందులో 'కమిటీ కుర్రోళ్ళు' ఫేమ్ త్రినాథ్ వర్మ హీరో కాగా... వైష్ణవి కొల్లూరు, మలినా హీరోయిన్లు. అక్షర గౌడ కీలక పాత్రలో నటిస్తున్నారు.
సినిమా ప్రారంభోత్సవంలో హీరో హీరోయిన్లపై నిహారికా కొణిదెల క్లాప్ ఇవ్వగా... సీనియర్ దర్శకులు బి. గోపాల్ కెమెరా స్విచాన్ చేశారు. ఎ కోదండరామిరెడ్డితో పాటు నిర్మాత - ఛాయాగ్రాహకుడు ఎస్ గోపాల్రెడ్డి గౌరవ దర్శకత్వం వహించారు.
'ఇరువురి భామల కౌగిలిలో' సినిమా ప్రారంభోత్సవంలో 'కమిటీ కుర్రోళ్ళు' దర్శకుడు యదు వంశీతో పాటు ఆ చిత్ర బృందం, 'టిల్లు స్క్వేర్' దర్శకుడు మల్లిక్ రామ్, దర్శకులు వర ముళ్లపూడి తదితరులు పాల్గొన్నారు.
'ఇరువురి భామల కౌగిలిలో' చిత్రానికి సంగీతం: శీను భీట్స్, ఛాయాగ్రహణం: శశాంక్ శ్రీరామ్, మాటల రచయిత: శ్రీధర్ సీపాన, నిర్మాత: శ్రీనివాస గౌడ, దర్శకత్వం: అచ్యుత్ చౌదరి.