Dil Se Telugu Movie : ఇద్దరు దర్శకులు తీసిన ముక్కోణపు ప్రేమకథ - 'దిల్ సే'

అభినవ్ మదిశెట్టి కథానాయకుడిగా దర్శక ద్వయం మంకల్ వీరేంద్ర, రవికుమార్ సబ్బాని తెరకెక్కించిన సినిమా 'దిల్ సే'. దర్శకత్వం వహించడం మాత్రమే కాదు... కథ అందించడంతో పాటు మంకల్ వీరేంద్ర, రవికుమార్ సబ్బాని ఈ సినిమాను నిర్మించారు. 

శ్రీ చైతన్య క్రియేషన్స్, శ్రీరామ్ క్రియేషన్స్ సంస్థలపై తెరకెక్కిన 'దిల్ సే' సినిమాలో సాషా సింగ్ హీరోయిన్. మరో ఇద్దరు అందాల భామలు లవ్లీ సింగ్, విస్మయ శ్రీ కీలక పాత్రలు చేశారు.

ముక్కోణపు ప్రేమకథగా రూపొందిన 'దిల్ సే' చిత్రీకరణ పూర్తి అయ్యింది. ఆగస్టు 4న థియేటర్లలో విడుదల కానుంది. 

ఇటీవల విడుదలైన 'దిల్ సే'లో మొదటి పాట 'రెండు కన్నులతో'కు మంచి స్పందన లభించింది. ఆ పాట 2 మిలియన్ వ్యూస్ వచ్చాయి. శ్రేయ ఘోషల్ పాడిన ఆ పాటకు నూతన సంగీత దర్శకుడు శ్రీకర్ సంగీతం అందించారు. 

యువతరంతో పాటు కుటుంబ ప్రేక్షకులకూ నచ్చే విధంగా 'దిల్ సే' సినిమా ఉండబోతుందని యూనిట్ చెబుతోంది. ఒన్ మీడియా ఈ సినిమాను ప్రపంచ వ్యాప్తంగా విడుదల చేయబోతోంది. వెంకటేష్ కాకుమాను కీలక పాత్రలో నటించిన ఈ సినిమాకు సంగీతం : శ్రీకర్ వెళమురి, స్క్రీన్ ప్లే, డైలాగ్స్: రఘుపతి రెడ్డి.జి. 

దిల్ సే తెలుగు సినిమా స్టిల్స్

దిల్ సే తెలుగు సినిమా స్టిల్స్