Chiranjeevi: తల్లికి 'పద్మవిభూషణుడి' స్పెషల్ బర్త్డే విషెష్ - ఆకట్టుకుంటున్న ఫొటోలు, మురిసిపోతున్న మెగా ఫ్యాన్స్
Chiranjeevi Birthday Wishes to Mother: పద్మ విభూషణ్ చిరంజీవి తల్లి అంజనాదేవికి బర్త్డే నేడు. ఈ సందర్భంగా తల్లికి 'పద్మ విభూషణుడు' ప్రత్యేకంగా పుట్టిన రోజు శుభాకాంక్షలు తెలిపాడు.
జవవరి 29న అంజనాదేవి బర్త్ను పురస్కరించుని తన ఇంట్లో బర్త్డే సెలబ్రేషన్స్ చేశాడు. భార్య సురేఖతో ఇతర మెగా ఫ్యామిలీతో కలిసి తల్లితో కేక్ కట్ చేయించి ఆమె పుట్టిన రోజును వేడుకగా జరిపించాడు.
ఇందుకు సంబంధించిన ఫొటోలను షేర్ చేస్తూ కనిపించే దేవత, కని పెంచిన అమ్మకి ప్రేమతో జన్మదిన శుభాకాంక్షలు ఎక్స్లో పోస్ట్ చేశాడు. ఈ ప్రస్తుతం ఈ ఫొటోలు సోషల్ మీడియాలో వైరల్ అవుతున్నాయి. వీటిని చూసి మెగా ఫ్యాన్స్ తెగ మురిసిపోతున్నారు.
సినీ ప్రముఖులతో పాటు అభిమానులు, నెటిజన్లు అంజనా దేవికి పుట్టిన రోజు శుభాకాంక్షలు తెలుపుతున్నారు. కాగా చిరంజీవి ఎప్పుడు తన తల్లిపై ప్రేమ, అప్యాయతను కురిపిస్తుంటాడు. అంతేకాదు ప్రతి ఏటా ఆమె బర్త్డే సెలబ్రేట్ చేస్తూ మెగా కుటుంబాన్ని ఒకచోట చేరుస్తుంటాడు.
ఎప్పుడు మెగా బ్రదర్స్ ముగ్గురు కలిసి అంజనాదేవి బర్త్డేను సెలబ్రేట్ చేసేవారు. అయితే ఈసారి మాత్రం చిరంజీవి తప్ప మెగా బ్రదర్స్ ఈ ఫొటోల్లో కనిపించలేదు. ఇదిలా ఉంటే చలనచిత్ర పరిశ్రమ చిరంజీవి అందించిన విశేష సేవలకు గానూ భారత ప్రభుత్వం ఆయన పద్మవిభూషణ్ అవార్డు ప్రకటించిన సంగతి తెలిసిందే.
దేశంలోనే రెండో అత్యంత ప్రతిష్టాత్మక అవార్డుకు ఆయన ఎన్నికవ్వడంపై ప్రతి ఒక్కరు హర్షం వ్యక్తం చేస్తున్నారు. ఇక ఆయనకు పద్మవిభూషణ్ రావడంతో మెగా ఇంటి సభ్యులంతా సంబరాలు చేసుకుంటున్నారు.
అప్పటి నుంచి మెగా ఇంటిలో ఏదోక వేడుక జరుగుతూనే ఉంది. ఈ క్రమంలో అంజనాదేవి బర్త్డే రావడం, ఆమె పుట్టిన రోజును చిరు గ్రాండ్గాసెలబ్రేట్ చేయడం ప్రత్యేకతను సంతరించుకుంది. ఇక ఆయన సినిమాల విషయానికి వస్తే చిరంజీవి విశ్వంభర మూవీ చేస్తున్నాడు.
బింబిసార డైరెక్టర్ వశిష్ఠ దర్శకత్వంలో ఈ మూవీ తెరకెక్కనుంది. ఫాంటసీ డ్రామాగా రాబోయే ఈ సినిమాను యువి క్రియేషన్స్ పతాకంపై వి వంశీ కృష్ణా రెడ్డి, ప్రమోద్ ఉప్పలపాటి, విక్రమ్ రెడ్డి సంయుక్తంగా నిర్మిస్తున్నారు.
image 8
image 9