South Indian Celebrities : ఎంగేజ్మెంట్ కి 'ఎస్'.. పెళ్లికి 'నో'!

ఎంతో ఇష్టపడి చేసుకున్న పెళ్లిళ్లు ఒక్కోసారి పెటాకులు అవుతుంటాయి. వ్యక్తిగత కారణాలు ఏవైనా.. మన తారలు విడాకులు, బ్రేకప్ సంగతి హాట్ టాపిక్ అవుతుంటాయి. పెళ్లి తరువాత విడాకులు తీసుకున్న వారు కొందరైతే.. పెళ్లికి సిద్ధపడి ఎంగేజ్మెంట్ చేసుకున్న తరువాత మరికొందరు డ్రాప్ అయిపోతున్నారు. అలా నిశ్చితార్ధం చేసుకొని పెళ్లి క్యాన్సిల్ చేసుకున్న తారలెవరో ఇప్పుడు చూద్దాం!

మార్చిలో ఎంగేజ్మెంట్ చేసుకున్న మెహ్రీన్ ఇప్పుడు తన పెళ్లిని క్యాన్సిల్ చేసుకుంది. ఈ విషయం టాలీవుడ్ లో చర్చనీయాంశమైంది. రాజకీయ కుటుంబానికి చెందిన భవ్య బిష్ణోయ్ తో మెహ్రీన్ ని నిశ్చితార్ధం జరిగింది. జైపూర్ లో ఈ వేడుకలకు ఎంతో గ్రాండ్ గా చేసుకున్నారు. కోవిడ్ కారణంగా పెళ్లి వచ్చే ఏడాదిలో చేసుకుందాం అనుకున్నారు. కానీ ఇంతలో ఊహించని విధంగా పెళ్లి చేసుకోకూడదని నిర్ణయించుకున్నారు. తమ ఎంగేజ్మెంట్ క్యాన్సిల్ చేసుకున్నట్లు ప్రకటించింది ఈ జంట. 

గతంలో స్టార్ హీరోయిన్ రష్మిక కూడా తన ఎంగేజ్మెంట్ ను క్యాన్సిల్ చేసింది. ప్రముఖ నటుడు, దర్శకుడు రక్షిత్ శెట్టిని ప్రేమించిన రష్మిక అతడితో పెళ్లికి రెడీ అయింది. వీరిద్దరికీ ఎంగేజ్మెంట్ జరిపించారు పెద్దలు. అదే సమయంలో రష్మికకు టాలీవుడ్ లో అవకాశాలు రావడంతో నటిగా బిజీ అయింది రష్మిక. ఈ క్రమంలో తన పెళ్లి క్యాన్సిల్ చేసుకుంటున్నట్లు ప్రకటించి షాకిచ్చింది ఈ బ్యూటీ. 

ఇండస్ట్రీలోకి అడుగుపెట్టిన కొన్ని రోజులకే అక్కినేని అఖిల్ తను ప్రేమించిన అమ్మాయిని పెళ్లి చేసుకోవాలనుకున్నారు. రెండు సంవత్సరాల పాటు శ్రేయా భూపాల్ తో డేటింగ్ చేసిన అఖిల్ ఫైనల్ గా ఎంగేజ్మెంట్ చేసుకున్నాడు. కానీ ఈ బంధం పెళ్లి వరకు వెళ్లలేదు. ఆ తరువాత శ్రేయాభూపాల్ మరో వ్యక్తిని పెళ్లి చేసుకుంది. 

ఇక టాలీవుడ్ లో స్టార్ హీరోయిన్ గా చెలామణి అయిన త్రిషకి.. చెన్నైకి చెందిన ప్రముఖ వ్యాపారవేత్త వరుణ్ మణియన్ తో నిశ్చితార్ధం జరిగింది. ఆ తర్వాత ఏమైందో కానీ పెళ్లి మాత్రం జరగలేదు. ఎంగేజ్మెంట్ అయిన కొన్నాళ్లకే ఈ జంట విడిపోయింది. 

కోలీవుడ్ టాప్ హీరో విశాల్ కి హైదరాబాద్ కు చెందిన అనీషారెడ్డితో నిశ్చితార్ధం జరిగింది. ఆ తరువాత ఈ ఇద్దరి పెళ్లి ఊసే లేదు. 

విఘ్నేష్ శివన్ కు ముందు నయనతార.. ప్రముఖ కొరియోగ్రాఫర్, డైరెక్టర్ ప్రభుదేవాను ప్రేమించింది. అప్పట్లో వారిద్దరికీ ఎంగేజ్మెంట్ జరిగిందని ప్రచారం జరిగింది. కానీ నిజమేంటో బయటకు రాలేదు. పెళ్లి చేసుకుందామనుకున్న ఈ జంట కొన్ని కారణాల వలన ఒకరికొకరు దూరమయ్యారు. 

హీరోయిన్ ఇలియానా చాలాకాలం పాటు ఆండ్రూ నీబోన్ అనే విదేశీ ఫోటోగ్రాఫర్ తో డేటింగ్ చేసింది. వీరిద్దరూ ఒకే ఇంట్లో కలిసి ఉండేవారు. ఆ సమయంలో వీరికి ఎంగేజ్మెంట్ జరిగిందని.. పెళ్లి కూడా చేసుకున్నారని వార్తలు వచ్చాయి. కానీ కొన్ని కారణాలతో ఈ జంట విడిపోయింది.