Surekha Vani: బిగ్ బాస్ 5లో సురేఖావాణి.. తప్పుడు వార్తలంటూ నటి ఫైర్.. 

బుల్లితెరపై నెంబర్ వన్ రియాలిటీ షోగా దూసుకుపోతుంది బిగ్ బాస్. ఇప్పటికే తెలుగులో నాలుగు సీజన్లను పూర్తి చేసుకున్న ఈ షో ఇప్పుడు ఐదో సీజన్ కు సిద్ధమవుతోంది. దీంతో ఇప్పుడు ఇండస్ట్రీలో బిగ్ బాస్ సందడి మొదలైంది. కంటెస్టెంట్ ల లిస్ట్ అంటూ చాలా మంది పేర్లు వినిపిస్తున్నాయి. 

అలా వినిపిస్తున్న పేర్లలో ఎంతమంది బిగ్ బాస్ హౌస్ లోకి వస్తారో తెలియదు కానీ వార్తల్లో మాత్రం హాట్ టాపిక్ అవుతున్నారు. ఎప్పటిలానే కొన్ని కేటగిరీల నుండి కొంతమందిను అనుకుంటున్నారు. 

ఇందులో ఎవరిని కన్ఫర్మ్ చేశారో తెలియదు. ఈసారి టీవీ 9 నుండి ఓ కంటెస్టెంట్ రాబోతున్నారు. న్యూస్ యాంకర్ ప్రత్యూష రానుందని టాక్. ఇందులో నిజమెంతో తెలియదు. 

చాలా మంది కన్ఫర్మ్ అయినట్లు ఓ లిస్ట్ చక్కర్లు కొడుతోంది. అందులో యాంకర్ రవి, వర్షిణి, నవ్యస్వామి, లోబో, యూట్యూబర్ నిఖిల్, ప్రియా, ఇషా చావ్లా, ప్రియా రామన్ ఇలా చాల మంది పేర్లు ఉన్నాయి. 

వీరిలో నటి సురేఖా వాణి పేరు కూడా ఉంది. తాజాగా ఈ వార్తలపై ఆమె స్పందించింది. 

చేతులెత్తి దండం పెడుతున్నట్లుగా ఎమోజీలను జోడించి.. దయచేసి ఇలాంటి తప్పుడు వార్తలు రాయొద్దని.. తను బిగ్ బాస్ షోకి వెళ్లడం లేదని చెప్పుకొచ్చారు. 

మొత్తానికి ఈ బ్యూటీ బిగ్ బాస్ షోకి వెళ్లడం లేదని క్లారిటీ ఇచ్చేసింది. ఇప్పటికైనా ఆమెపై రూమర్స్ ఆగుతాయేమో చూడాలి!