In Pics: అశ్వవాహనంపై శ్రీవారు.. సేవ‌లో పాల్గొన్న సుప్రీంకోర్టు చీఫ్ జస్టిస్ ఎన్వీ రమణ

శ్రీవారి సాల‌క‌ట్ల బ్రహ్మోత్సవాల్లో భాగంగా ఎనిమిదో రోజైన గురువారం రాత్రి 7 గంట‌ల‌కు శ్రీ‌వారి ఆల‌యంలోని క‌ల్యాణోత్సవ మండ‌పంలో శ్రీమలయప్ప స్వామి వారు క‌ల్కి అలంకారంలో అశ్వ వాహ‌నంపై దర్శనమిచ్చారు.

దసరా సందర్భంగా తిరుచానూరులో పద్మావతి అమ్మవారిని సీజేఐ ఎన్వీ రమణ దర్శించుకున్నారు. అనంతరం తిరుమల చేరుకొని శ్రీవారి బ్రహ్మోత్సవాల వాహన సేవలో పాల్గొన్నారు.

వాహ‌న‌సేవ అనంత‌రం సుప్రీం కోర్టు ప్రధాన న్యాయమూర్తి జస్టిస్ ఎన్వీ ర‌మ‌ణ శ్రీ‌వారిని ద‌ర్శించుకున్నారు.

ఈ కార్యక్రమంలో సుప్రీంకోర్టు న్యాయమూర్తులు జస్టిస్ జేకే మహేశ్వరి, జస్టిస్ హిమా కోహ్లీ, ఆంధ్రప్రదేశ్ రాష్ట్ర హైకోర్టు ప్రధాన న్యాయ‌మూర్తి ప్రశాంత్ కుమార్ మిశ్రా, హైకోర్టు న్యాయమూర్తులు జస్టిస్ ల‌లిత‌ కుమారి, జస్టిస్ స‌త్యనారాయ‌ణ మూర్తి తదితరులు పాల్గొన్నారు.

ఛత్తీస్‌ఘడ్ హైకోర్టు న్యాయమూర్తి జస్టిస్ పార్త్ ప్రతీం సాహు, కేరళ హైకోర్టు న్యాయమూర్తి జస్టిస్ పి.సోమరజన్, శాసనసభ ఉప సభాపతి కోన రఘుపతి, టీటీడీ ఛైర్మన్ వైవీ సుబ్బారెడ్డి కూడా ఈ కార్యక్రమంలో పాల్గొన్నారు.