In Pics: మంత్రి గౌతమ్ రెడ్డికి తుది వీడ్కోలు, తల్లడిల్లిపోయిన తల్లి, భార్య - అంత్యక్రియలకు సీఎం జగన్ హాజరు

మంత్రి మేకపాటి గౌతమ్ రెడ్డి అంత్యక్రియలు ముగిశాయి.

ఉదయగిరిలోని మేకపాటి రాజమోహన్ రెడ్డి ఇంజినీరింగ్ కాలేజీ ప్రాంగణంలో ఆయన్ను దహనం చేశారు.

మేకపాటి గౌతమ్ రెడ్డి కుమారుడు కృష్ణార్జున రెడ్డి చివరి క్రతువును పూర్తి చేసి.. తండ్రి చితికి నిప్పంటించారు.

ఆ సమయంలో మంత్రి కుటుంబ సభ్యులు, బంధువులు, మంత్రులు, వైసీపీ నేతలు కన్నీటి పర్యంతం అయ్యారు.

ఆంధ్రప్రదేశ్ ప్రభుత్వం గౌరవ లాంఛనాలతో ఈ అంత్యక్రియలు జరిపించింది.

అంత్యక్రియల సమయంలో పోలీసులు గౌరవ సూచకంగా గాల్లోకి కాల్పులు జరిపారు.

ముఖ్యమంత్రి జగన్మోహన్ రెడ్డి దంపతులు కూడా మంత్రి మేకపాటి గౌతమ్ రెడ్డి అంత్యక్రియలకు హాజరయ్యారు.

చివరిసారిగా మంత్రి భౌతిక కాయం వద్ద పుష్పగుచ్ఛం ఉంచి నివాళి అర్పించి తుది వీడ్కోలు పలికారు.

తొలుత నెల్లూరులోని మేకపాటి గౌతమ్ రెడ్డి నివాసం నుంచి మంత్రి అంతిమయాత్ర ప్రారంభమైంది.

జొన్నవాడ, బుచ్చి, సంగం, నెల్లూరుపాలెం, మర్రిపాడు, బ్రహ్మణపల్లి, నందిపాడు మీదుగా ఉదయగిరికి చేరుకుంది.

ఈ యాత్రలో ఆయన బంధువులు, అభిమానులు, పార్టీ కార్యకర్తలు వేల సంఖ్యలో పాల్గొన్నారు.

యాత్ర పొడవునా ప్రజలు, అభిమానులు కన్నీటితో వీడ్కోలు పలికారు.

ముఖ్యమంత్రి జగన్మోహన్ రెడ్డి దంపతులు కూడా మంత్రి మేకపాటి గౌతమ్ రెడ్డి అంత్యక్రియలకు హాజరయ్యారు.

చివరిసారిగా మంత్రికి నివాళి అర్పిస్తున్న ముఖ్యమంత్రి జగన్మోహన్ రెడ్డి