Pawan Kalyan In Mangalagiri: పవన్ కళ్యాణ్ మంగళగిరి పర్యటనపై ఏపీలో కొనసాగుతోన్న ఉత్కంఠ

ఏపీ రాజకీయాలతో పాటు టాలీవుడ్‌లో పవన్ కళ్యాణ్ వ్యాఖ్యలు చర్చనీయాంశంగా మారాయి. ఓవైపు నటుడిగా సినిమాలు చేస్తూనే, రాజకీయాల్లోకి రావడంతో ఆయన వ్యాఖ్యలు ప్రాధాన్యత సంతరించుకున్నాయి.

ఏపీలోని వైఎస్సార్‌సీపీ ప్రభుత్వంపై, రాష్ట్ర మంత్రులపై.. సినిమా టికెట్ల విక్రయాలపై రిపబ్లిక్ మూవీ ప్రీరిలీజ్ ఈవెంట్లో పవన్ వ్యాఖ్యల అనంతరం పోసాని రెండు పర్యాయాలు జనసేన అధ్యక్షుడిపై తీవ్ర వ్యాఖ్యలు చేశారు.

నేడు జనసేన అధినేత పవన్ కళ్యాణ్ మంగళగిరిలో పర్యటిస్తున్నారు. ఈ పర్యటనలో భాగంగా మధ్యాహ్నం గన్నవరం ఎయిర్ పోర్టుకు చేరుకున్న పవన్ కళ్యాణ్‌కు అభిమానులు ఘన స్వాగతం పలికారు.

పవన్ కళ్యాణ్ రాక నేపథ్యంలో పెద్ద ఎత్తున ఆయన అభిమానులు, జనసేన కార్యకర్తలు గన్నవరం ఎయిర్ పోర్ట్ వద్దకు చేరుకునే ప్రయత్నం చేయగా పోలీసులు వారిని అడ్డుకున్నారు. ఈ క్రమంలో పవన్ తాజా పర్యటనపై ఏపీలో ఉత్కంఠ నెలకొంది.

గన్నవరం ఎయిర్ పోర్ట్ నుంచి మంగళగిరి పార్టీ ఆఫీస్‌కు చేరుకుని విస్తృత స్థాయి సమావేశంలో పవన్ కళ్యాణ్ పాల్గొన్నారు. ఈ సమావేశంలో నాదెండ్ల మనోహర్, పార్టీ కీలక నేతలు పాల్గొన్నారు. బద్వేల్ ఉప ఎన్నిక పోటీపై చర్చించనున్నారు.

పార్టీ భవిష్యత్ కార్యచరణపై జనసేన నేతలతో చర్చించారు. అనంతరం కడప జిల్లా నేతలతో ప్రత్యేకంగా భేటీ అయి బద్వేల్ ఉప ఎన్నికలో తమ వైఖరి, వ్యూహాలపై నిర్ణయాలు తీసుకోనున్నారు. మరోవైపు వైసీసీ వర్సెస్ జనసేన, పోసాని వర్సెస్ జనసేన కార్యకర్తలు, పవన్ ఫ్యాన్స్‌గా ఏపీలో పరిస్థితి తయారైంది.

image 7