ఉక్రెయిన్‌పై దుందుడుకుగా దాడికి దిగిన రష్యాకు ఏదీ కలసి రావడం లేదు. పెద్ద ఎత్తున సైన్యం ఉక్రెయిన్ సైనికులకు బందీగా చిక్కుతోంది. పెద్ద ఎత్తున ఆయుధాలను కోల్పోతోంది. కొంత మంది ప్రాణాలు కోల్పోతున్నారు. ఇలాంటి వీడియోలు ఉక్రెయిన్ నుంచి పెద్ద ఎత్తున సోషల్ మీడియాలోకి వస్తున్నాయి. రష్యా పట్టు బిగించిందని చెప్పుకుంటున్న ఖార్కివ్‌లోనే పెద్ద ఎత్తున సైనికులు ఉక్రెయిన్ చేతికి చిక్కారు. ఈ దృశ్యాలు వైరల్ అవుతున్నాయి.
ఇక రష్యా సైనిక వాహనాలకు ఎక్కడా గ్యారంటీ ఉండటం లేదు.ఎక్కడ కనిపిస్తే అక్కడ నిప్పు పెడుతున్నారు ఉక్రెయిన్ వాసులు.
రష్యా సైన్యాన్ని ఆపడానికి ప్రతి ఒక్క ఉక్రెనియన్ పౌరుడు ఓ సైనికుడు అవుతున్నాడు. యుద్ధ ట్యాంకుల్ని సైతం అవలీలగా ఆపేస్తున్నారు.
రష్యా సైనికులతో ఉక్రెయిన్ పోరాటయోధుల సాహసోపేత యుద్ధ దృశ్యాన్ని వారి ధైర్యాన్ని ప్రపంచం ముందు ఉంచుతున్నాయి.
ఉక్రెయిన్ వీధుల్లో ఇప్పుడు బుల్లెట్ పోరాటాలే కాదు.. మాటల యుద్ధాలు జరుగుతున్నాయి. ఉక్రెయిన్ ప్రజలు సంధిస్తున్న ప్రశ్నలకు రష్యా సైనికుల వద్ద సమాధానం ఉండటం లేదు
ఉక్రెయిన్‌లో ఇప్పుడు ఎక్కడ చూసినా రష్యా యుద్ధ ట్యాంకుల అవశేషాలే కనిపిస్తున్నాయి. ఇవన్నీ రష్యా ఎంత దారుణంగా నష్టపోయిందో వివరించడానికి సాక్ష్యాల్లా ఉన్నాయి .
ఎంత బలవంతుడైనా యుద్ధం అనేది చేస్తే .. సాధించేదేమీ ఉండదని... నష్టం కూడా ఉంటుందని రష్యాని చూస్తే అర్థమైపోతుంది.