A shower bath for a python: చిన్న చిన్న పాముల‌ను చూడాలంటేనే మ‌నం వ‌ణికిపోతుంటే.. అలాంటిది కొంద‌రు స్నేక్ క్యాచ‌ర్స్ చాలా చాక‌చ‌క్యంగా పాముల‌ను ప‌ట్టేస్తుంటారు. వారిని చూస్తే ఆశ్చ‌ర్యం అనిపించినా భ‌యమే ఎక్కువ‌గా ఉంటుంది. ఎందుకంటే పాము కాటువేస్తే ప్రాణాలు కాపాడుకోవ‌డం చాలా క‌ష్టం. కొన్ని విష‌స‌ర్పాల ధాటికి క్ష‌ణాల్లో ప్రాణాలు కోల్పోయిన ఘ‌ట‌న‌లు కూడా నిత్యం చూస్తూనే ఉంటాం.
అలాంటిది కొంద‌రు పాముల‌ను పెంచుకుంటార‌ని తెలిస్తే వారి ఇంటికి ద‌రిదాపుల్లోకి కూడా మ‌నం అడుగు కూడా పెట్టం. కానీ ఇటీవ‌ల కొన్ని వీడియోల్లో పాముల‌తోనే క‌లిసి బెడ్ మీద ప‌డుకుని ఉండ‌టం, పెద్ద పెద్ద కొండ‌చిలువ‌ల‌తో క‌లిసి ప్ర‌యాణించ‌డం చూస్తున్నాం. ఇలాంటి వీడియోలు సోష‌ల్ మీడియా ద్వారా ఎక్క‌డెక్క‌డో జ‌రిగిన‌వి మ‌న సెల్‌ఫోన్లో ప్ర‌త్య‌క్ష‌మ‌వడం చూసి ఆశ్చ‌ర్య‌పోతాం క‌దా..
ఇలాంటి ఘ‌ట‌న‌కు సంబంధించిన వీడియో ఒక తాజాగా ఇన్‌స్టాలో ప్ర‌త్య‌క్ష‌మైంది. ఇది ఎక్క‌డ జ‌రిగిందో తెలియ‌దు కానీ, ఇండియాలో మాత్రం కాద‌ని తెలుస్తోంది. ఈ వీడియో ఓ వ్యక్తి భారీ కొండ‌చిలువ‌తో క‌లిసి బాత్ రూమ్‌లో స్నానం చేస్తున్న‌ట్టుగా ఉంటుంది. కొండ‌చిలువ ఆ వ్యక్తి త‌న భుజాల‌పై వేసుకుని షవర్ కింద నిల‌బ‌డి దానికి స్నానం చేయిస్తుంటాడు. దాని బ‌రువును భ‌రించ‌లేక ఒంగిపోతూనే దానికి మాత్రం శుభ్రంగా ఒళ్లంతా రుద్దుతూ ఉంటాడు. ఆ పాము కూడా శ్ర‌ద్ధగా అత‌డు చేత స్నానం చేయించుకుంటుంది.
@world_of_snakes అనే పేరుతో ఇన్‌స్టాలో ఈ వీడియోను పోస్ట్ చేశారు. ఇప్ప‌టికే ప‌ది వేల‌కు మందికి పైగా ఈ వీడియోను వీక్షించారు.
ఈ వీడియోపై మీరు కూడా ఒక లుక్కేయండి
కొంద‌రు నెటిజ‌న్లు వీడియోపై త‌మ అభిప్రాయాల‌ను కామెంట్ల రూపంలో వ్య‌క్తం చేశారు. కొంద‌రు పాజిటివ్‌గా స్పందించి ఆ వ్యక్తి ధైర్య‌సాహ‌సాల‌ను చూసి అభినందించారు. మ‌రికొంద‌రైతే ఈ ప్రమాదకర స్టంట్ యొక్క ఆవశ్యకతను ప్రశ్నిస్తున్నారు,. ఒక వీక్షకుడు "ఎంత బలంగా ఉంది బ్రో-అనకొండలు చాలా బరువుగా ఉన్నాయి.ష అన‌గా ఇంకొక‌రు భయానకంగా ఉంది, ఈ వీడియో ఉంది’’ అని వ్యాఖ్యానించారు. మ‌రొకాయ‌న డ‌బ్బుల కోసం ఇలాంటి తెలివిత‌క్కువ ప‌నులు చేసి ప్రాణాల మీద‌కు తెచ్చుకోవ‌డం అవ‌స‌ర‌మా అంటూ మండిప‌డుతున్నారు.
ఇటీవ‌లే మూడు రోజుల క్రితం ఏపీలో స‌త్య‌సాయి జిల్లా క‌దిరిలో ఓ వ్యక్తి పూటుగా మ‌ద్యం సేవించి ఆ మ‌త్తులో ఏం చేస్తున్నాడో తానే మ‌రిచిపోయి పాముతో ఆట‌లాడాడు. చివ‌రికి పాము కాటుకు గుర‌య్యాడు. న‌డి రోడ్డుపై దాదాపు గంట‌కుపైగానే పాముతో ఆట‌లాడి రోడ్డున పోతున్న‌వారిని సైతం భ‌యాందోళ‌న‌కు గురిచేశాడు. పాము త‌న దారిన చెట్ల‌లోకి పోతున్నా వ‌ద‌ల‌కుండా తోక ప‌ట్టుకుని లాగ‌డంతో అది ఆ తాగుబోతును కాటేసింది.