Elon Musk vs Trump: టెస్లా సీఈఓ, బిలియనీర్ ఎలాన్ మస్క్.. అమెరికా మాజీ అధ్యక్షుడు డొనాల్డ్ ట్రంప్ మధ్య డైలాగ్ వార్ నడుస్తోంది. ట్రంప్ చేసిన వ్యాఖ్యలకు తాజాగా మస్క్ కౌంటర్ ఇచ్చారు. ట్రంప్ ఇక రాజకీయాల నుంచి రిటైర్ కావడం ఉత్తమమంటూ కామెంట్ చేశారు.
మరో ట్వీట్
దీంతో పాటు ట్విట్టర్లో మరో పోల్ పెట్టారు మస్క్. 'హేట్ ట్రంప్, హేట్ మస్క్'లో ఏది ఎన్నుకుంటారు అంటూ ట్వీట్ చేశారు. ఆ పిక్చర్లోనే ఎక్కువ మంది లెఫ్ట్ (ఎడమ వైపు) ఉన్నది సెలక్ట్ చేస్తారు అంటూ వ్యంగ్యాస్త్రాలు సంధించారు. అయితే ఈ ట్వీట్పై నెటిజన్లు భిన్నంగా స్పందిస్తున్నారు. ఇద్దరినీ హేట్ చేస్తున్నామంటూ కామెంట్లు పెడుతున్నారు.
ట్రంప్
గత శనివారం అలస్కాలో జరిగిన ఓ కార్యక్రమంలో మస్క్పై ట్రంప్ పలు విమర్శలు చేశారు. ఇప్పటి వరకు తానెప్పుడూ రిపబ్లికన్ పార్టీకి ఓటు వేయలేదని మస్క్ ఇటీవల ఓ సందర్భంలో అన్నారు. దాన్ని ప్రస్తావించిన ట్రంప్.. మస్క్ తనకే ఓటేసినట్లు గతంలో ఓసారి తనకు చెప్పారన్నారు. మరోవైపు ట్విటర్ డీల్ నుంచి మస్క్ వెనక్కి తగ్గడంపైనా ట్రంప్ విమర్శలు గుప్పించారు. అయితే మస్క్ ట్విట్టర్ను కొనుగోలు చేసినప్పటికీ తాను తిరిగి ఆ సోషల్ మీడియాను వినియోగించనని ట్రంప్ అంతకుముందు ఓసారి అన్నారు.
Also Read: Sri Lanka Crisis: శ్రీలంకలో మరోసారి ఎమర్జెన్సీ- అధ్యక్షుడు పారిపోవడంతో తప్పలేదు!
Also Read: Watch: నయాగరా అనుకున్నారా? జోగ్ జలపాతం, ఇది అంతకుమించి- కుదిరితే ఓసారి వెళ్లి రండి!