Watch Video: ఎక్కడి నుంచి వచ్చిందో తెలియదు. ఓ విషసర్పం ఇంటి ముందుకు వచ్చింది. దాన్ని చూసిన వెంటనే అంతా భయపడిపోయారు. ఓ ఇంటి నుంచి మరో ఇంటికి అలా వీధిలో పాకుతూ వెళ్లింది ఆ పాము. ఎక్కడ కాటు వేస్తుందో అని టెన్షన్ పడుతుంటే ఆ పాము మాత్రం ఊహించని పని చేసింది. ఓ ఇంటికి ఎదురుగా ఉన్న చెప్పుని నోట కరుచుకుని అక్కడి నుంచి పక్కనే ఉన్న పొదల్లోకి వెళ్లిపోయింది. ఇది చూసి అంతా గట్టిగా నవ్వుకున్నారు. చెప్పు తీసుకెళ్లి ఏం చేస్తుందంటూ కామెంట్స్ చేశారు. ఇదంతా అక్కడే ఉన్న ఓ వ్యక్తి వీడియో తీసి సోషల్ మీడియాలో పోస్ట్ చేశాడు. వెంటనే ఇది వైరల్ అయిపోయింది. ఈ వీడియో చూసిన నెటిజన్లు సరదాగా కామెంట్స్ పెడుతున్నారు. (Also Read: Viral News: బ్యాగ్‌లో బాంబు ఉందంటూ ప్యాసింజర్ బెదిరింపులు, ఎయిర్‌పోర్ట్‌లో హై అలెర్ట్)
"పాముకి కాళ్లు ఉండవుగా. ఈ చెప్పు తీసుకెళ్లి ఏం చేసుకుంటుంది" అని ఓ నెటిజన్ ఫన్నీగా కామెంట్ చేశాడు. సాధారణంగా పాములు ఇలాంటి పనులు ఎప్పుడూ చేయవు. జనం ఎక్కువగా ఉన్నప్పుడు పట్టుకోడానికి ప్రయత్నిస్తే బుసలు కొడతాయి. లేదా అక్కడి నుంచి తప్పించుకోడానికి చూస్తాయి. కానీ..ఈ పాము మాత్రం చెప్పు ఎత్తుకెళ్లడమే వింతగా అనిపించింది. "నాకు తెలిసి ఎవరో ఆ పాముని చెప్పుతో కొట్టారు. అందుకే ఆ చెప్పుని తీసుకెళ్లడానికి వచ్చింది" అని కొందరు కామెంట్స్ పెడుతున్నారు.
Also Read: Viral News: 5 కిలోల ఆలుగడ్డలు లంచంగా అడిగిన SI, సస్పెండ్ చేసిన అధికారులు