Telugu Viral News: ఓ పోలీస్ 5 కిలోల ఆలుగడ్డలు లంచం అడిగినందుకు సస్పెండ్ అయ్యాడు. ఓ రైతు నుంచి ఈ లంచం అడిగినట్టుగా ఓ ఆడియో క్లిప్ వైరల్ అయింది. దీని ఆధారంగా విచారించిన ఉన్నతాధికారులు ఆ పోలీస్‌ని విధుల నుంచి తప్పించారు. యూపీలోని కన్నౌజ్‌లో ఈ ఘటన జరిగింది. SI రామ్‌కృపాల్ సింగ్ భవల్‌పూర్‌లో డ్యూటీ చేస్తుండగా ఓ రైతు నుంచి లంచం అడిగాడు. ఈ ఆడియో క్లిప్ సోషల్ మీడియాలో వైరల్ అవడం వల్ల వెంటనే యాక్షన్ తీసుకున్నారు. రైతు చాలా సేపు ఆ పోలీస్‌ని వేడుకున్నాడు. 5 కిలోలు ఇవ్వలేనని, 2 కిలోలు మాత్రమే ఇవ్వగలనని చెప్పాడు. కానీ పోలీస్ అందుకు ఒప్పుకోలేదు. పైగా ఆ రైతుపై ఫైర్ అయ్యాడు. ఇదంతా బయటకు వచ్చిన వెంటనే డిపార్ట్‌మెంట్ ఆయనను సస్పెండ్ చేసింది. ఈ మేరకు అధికారికంగా సోషల్ మీడియాలో ఓ పోస్ట్ కూడా పెట్టారు అధికారులు. తక్షణమే ఆయనను విధుల నుంచి తప్పిస్తున్నట్టు స్పష్టం చేసింది.
ఆలూ..కోడ్ వర్డా..?
అయితే...ఆలుగడ్డలు ఎవరైనా లంచం అడుగుతారా అన్న డిబేట్ జరుగుతోంది. దీనిపైనే సోషల్ మీడియాలో రకరకాల కామెంట్స్ వస్తున్నాయి. బహుశా ఇది కోడ్ వర్డ్ అయ్యుంటుందని అంటున్నారు. ఇది కచ్చితంగా కరెన్సీ నోట్లకు సంబంధించిన కోడ్ అని కొందరు చెబుతున్నారు. రూ.5 వేలు లేదా రూ.5 లక్షలు అయ్యుండొచ్చని కొందరు అంచనా వేస్తున్నారు.
Also Read: Viral News: లేడీస్ వాష్‌రూమ్‌లోని డస్ట్‌బిన్‌లో మొబైల్, వీడియో రికార్డ్ అవుతుండగా చూసి షాకైన మహిళ