Viral Video: వైల్డ్‌లైఫ్ ఫొటోగ్రఫీ అంటే చాలా మందికి ఇష్టం. కానీ జంతువులు, పక్షులను కెమెరాలో దగ్గరగా క్యాప్చర్ చేసేందుకు ఫొటోగ్రాఫర్లు పడే కష్టాలు అన్నీ ఇన్నీ కావు. కొన్ని సార్లు ప్రాణాలు పోయే ప్రమాదం కూడా ఎక్కువే. తాజాగా ఓ ఫొటోగ్రాఫర్‌కు వింత అనుభవం ఎదురైంది. ఎంతో కష్టపడి డ్రోన్ సాయంతో షూట్ చేస్తుండగా ఓ మొసలి షాక్ ఇచ్చింది. ఇందుకు సంబంధించిన వీడియో వైరల్ అవుతోంది.
పట్టేసింది!
ఓ డ్రోన్ న‌ది మీదుగా వెళుతూ మొస‌లిని ద‌గ్గ‌ర నుంచి క్యాప్చర్ చేసేందుకు ప్ర‌య‌త్నిస్తుండ‌టం ఈ వీడియోలో క‌నిపిస్తుంది. అయితే నీటి నుంచి బ‌య‌ట‌కు వ‌చ్చిన మొసలి డ్రోన్‌ను నెమ్మదిగా గ‌మనించింది.
కొద్ది సెకన్ల త‌ర్వాత మొసలి నీటి నుంచి త‌లను పైకెత్తి ఎగిరి ఒకేసారి డ్రోన్‌ను నోట‌కరుచుకుంటుంది. ఈ వీడియో నెటిజన్లను ఫిదా చేస్తోంది. డ్రోన్ శ‌బ్ధానికి మొసలి అలా రియాక్ట‌యింద‌ని కొంద‌రు యూజ‌ర్లు కామెంట్ చేయ‌గా. మరికొందరు మాత్రం డ్రోన్ పైల‌ట్ కొద్దిగా డిస్టెన్స్ మెయింటైన్ చేసి ఉండాల్సింద‌ని అంటున్నారు.
Also Read: Russia Ukraine War: 'షరతులకు ఒప్పుకుంటే ఓకే- లేకుంటే మా సైన్యం డిసైడ్ చేస్తుంది'