Salman Khan News: బాలీవుడ్ బాద్షా సల్మాన్ ఖాన్పై సంచలన వ్యాఖ్యలు చేశారు యోగా గురువు బాబా రామ్దేవ్. సల్మాన్ ఖాన్ డ్రగ్స్ తీసుకుంటాడని బాబా రామ్దేవ్ ఆరోపించారు. సల్మాన్ ఖాన్తో పాటు బాలీవుడ్ ఇండస్ట్రీపై కూడా బాబా ఆరోపణలు చేశారు.
ఉత్తర్ప్రదేశ్లోని మొరాదాబాద్లో శనివారం ఏర్పాటు చేసిన ఆర్యవీర్, వీరాంగన సదస్సులో బాబా రామ్దేవ్ పాల్గొన్నారు. ఈ సందర్భంగా బాలీవుడ్, డ్రగ్స్ వాడకంపై సంచలన వ్యాఖ్యలు చేశారు.రామ్దేవ్ బాబా చేసిన ఈ వ్యాఖ్యలకు సంబంధించిన వీడియో సోషల్ మీడియాలో వైరల్గా మారింది.
గతంలో
బాబా రామ్దేవ్ అలోపతి వైద్యులపై గతంలో వివాదాస్పద వ్యాఖ్యలు చేశారు. ఆ వ్యాఖ్యలపై సుప్రీం కోర్టు కూడా ఆగ్రహం వ్యక్తం చేసింది. ఆయుర్వేదాన్ని ప్రచారం చేయాలనుకుంటే చేసుకోవచ్చని, కానీ ఇతర వైద్య విధానాలను విమర్శించటం సరికాదని మండి పడింది.
అలోపతి వైద్యంపై బాబా రామ్దేవ్ చేసిన వ్యాఖ్యలను వ్యతిరేకిస్తూ ఇండియన్ మెడికల్ అసోసియేషన్ (IMA) దాఖలు చేసిన పిటిషన్ను విచారించిన సందర్భంలో సుప్రీం కోర్టు ఈ వ్యాఖ్యలు చేసింది.
Also Read: Viral video: మైక్ విసిరేసిన మంత్రి- కార్యకర్తలు మాట వినడం లేదని, వైరల్ వీడియో!