Punjab Cop suspended: పంజాబ్‌ అమృత్‌సర్‌లో ఓ షాకింగ్ ఘటన జరిగింది. పోలీస్ చేతిలో తుపాకీ ప్రమాదవశాత్తు పేలడంతో మొబైల్ షాప్‌లో పని చేసే ఓ యువకుడు గాయపడ్డాడు. ఈ ఘటన సీసీటీవీలో రికార్డయింది.
ఇదీ జరిగింది
అమృత్‌సర్‌లో ఉన్న ఓ మొబైల్ షాప్‌లో ఈ ఘటన జరిగింది. ఒక పోలీసు అధికారి మొబైల్ షాప్‌లో ఫోన్ రిపైర్ చేయించుకునేందుకు వచ్చారు. అయితే ఆయన తన తుపాకీని బయటకు తీసి అక్కుడున్న వారికి చూపిస్తోన్న సమయంలో ప్రమాదవశాత్తూ అది పేలింది. దీంతో మొబైల్ షాపులో పనిచేస్తున్న యువకుడి శరీరంలోకి బుల్లెట్ దూసుకుపోయింది.
వెంటనే అప్రమత్తమైన షాపు సిబ్బంది.. బాధితుడ్ని ఆసుపత్రికి తరలించారు. ఈ ఘటన అక్కడి సీసీటీవీలో రికార్డయింది. ఈ వీడియో సోషల్ మీడియాలో వైరల్ అవుతోంది. దీంతో ఆ పోలీసు అధికారిని సస్పెండ్ చేశారు.
Also Read: UK New Home Secretary: బ్రిటన్‌లో రాజకీయ గందరగోళం- హోంమంత్రి పదవికి బ్రేవర్మన్ గు‌డ్‌బై!