అమెరికా పర్యటనలో భాగంగా దిగ్గజ సంస్థల సీఈఓలతో ప్రధాని నరేంద్ర మోదీ వరుస భేటీలు నిర్వహిస్తున్నారు. క్వాల్కమ్ సంస్థ అధ్యక్షుడు, సీఈఓ క్రిస్టియానో ఆమోన్తో వాషింగ్టన్లో ఆయన సమావేశమయ్యారు.
క్వాల్‌కామ్ సీఈఓ క్రిస్టియానో ఆమోన్తో నిర్మాణాత్మక చర్చలు జరిగినట్లు మోదీ పేర్కొన్నారు. ఈ సందర్భంగా భారత్ అందిస్తున్న విస్తృత అవకాశాలను అందిపుచ్చుకోవాలని సూచించారు. 5జీ, డిజిటల్ ఇండియా రంగాల్లో భారత్తో కలిసి పనిచేసేందుకు ఆసక్తిగా ఉన్నట్లు అమోన్ పేర్కొన్నట్లు ప్రధాని కార్యాలయం ట్వీట్ చేసింది.
" ప్రధాని మోదీతో నిర్మాణాత్మక చర్చలు జరిగాయి. భారత్తో భాగస్వామి కావడం గర్వంగా ఉంది. 5జీ సాంకేతికత గురించి మేం మాట్లాడాం. భారత్‌లో 5జీ విస్తరణకు చాలా మంచి అవకాశాలు ఉన్నాయి. "
-క్రిస్టియానో, క్వాల్కమ్ సీఈఓ
అడోబ్ ఛైర్మన్‌తో..
అనంతరం అడోబ్ ఛైర్మన్ శంతను నారాయణ్తో భేటీ అయ్యారు. ఫస్ట్ సోలార్ సంస్థ సీఈఓ మార్క్ విడ్మర్తో చర్చలు జరిపారు. సీఈఓలతో సమావేశం సందర్భంగా భారత్ కల్పిస్తున్న విస్తృత వ్యాపార అవకాశాలను ప్రస్తావించారు మోదీ.