Kim Warns South Korea US: అణు యుద్ధానికి నేను రెడీ- పెద్ద బాంబు పేల్చిన కిమ్ జోంగ్ ఉన్!

Kim Warns South Korea US: అణు యుద్ధానికి తాము సిద్ధంగా ఉన్నట్లు ఉత్తర కొరియా అధినేత కిమ్ జోంగ్ ఉన్.. అమెరికాను పరోక్షంగా హెచ్చరించారు.

Kim Warns South Korea US: ఉత్తర కొరియా అధినేత కిమ్ జోంగ్ ఉన్ మరోసారి అణు హెచ్చరికలు చేశారు. అణు యుద్ధానికి తాము సిద్ధంగా ఉన్నట్లు కిమ్ ప్రకటించారు. అమెరికాకు పరోక్ష హెచ్చరికలు చేశారు. కొరియా యుద్ధ వార్షికోత్సవంలో ఆయన ఈ వ్యాఖ్యలు చేశారు.

ఎలాంటి సంక్షోభాన్నైనా ఎదుర్కొవడానికి మన బలగాలు సిద్ధంగా ఉన్నాయి. అణు ముప్పును ఎదుర్కోవడానికి కూడా పూర్తి సన్నద్ధతతో ఉన్నాం. యుద్ధం ముగిసి 70 సంవత్సరాలు పూర్తవుతోన్న కూడా దక్షిణ కొరియాతో కలిసి యూఎస్‌ ప్రమాదకరమైన, చట్టవిరుద్ధమైన చర్యలకు దిగుతోంది. మన భద్రతకు ముప్పు కలిగేలా అమెరికా సైనిక విన్యాసాలు చేపడుతోంది. ఈ వైఖరి ఇరు దేశాల సంబంధాలను తిరిగి కోలుకోలేని దశకు దిగజార్చుతాయి. యూఎస్‌, దక్షిణ కొరియా నుంచి ఎదురయ్యే ఎలాంటి ముప్పునైనా ఎదుర్కొవడానికి పూర్తి సిద్ధంగా ఉన్నాం.                                                     - కిమ్ జోంగ్ ఉన్, ఉత్తర కొరియా అధినేత

ఢీ అంటే ఢీ

అమెరికాతో సైనిక చ‌ర్య‌కు పూర్తి స్థాయిలో తాము సిద్ధంగా ఉన్న‌ట్లు కిమ్ వెల్ల‌డించారు. అవ‌స‌రం అయితే అణ్వాయుధాల‌ను రంగంలోకి దింపుతామ‌ని హెచ్చ‌రించారు. ఉత్త‌ర కొరియా ఏడ‌వ సారి అణ్వాయుధాన్ని ప‌రీక్షించ‌నున్న‌ట్లు వార్త‌ల వ‌స్తున్న వేళ కిమ్ ఈ వార్నింగ్ ఇచ్చారు. 2017లో చివ‌రిసారి ఉత్త‌ర కొరియా న్యూక్లియ‌ర్ టెస్ట్ నిర్వ‌హించింది. 

ఈ ఏడాది ఉత్త‌ర కొరియా ఇప్ప‌టికే అత్య‌ధిక స్థాయిలో మిస్సైళ్ల‌ను ప‌రీక్షించింది. ఆ దేశంలో ఈ ఏడాది ఇప్ప‌టి వ‌ర‌కు 31 మిస్సైళ్ల‌ను ప‌రీక్షించిన‌ట్లు అమెరికా ప్ర‌తినిధి తెలిపారు.