ISIS Terrorist Arrest:
ఉగ్రవాదిని అరెస్ట్ చేసిన ఎఫ్‌ఎస్‌బీ..
భారత్‌లో ఓ ప్రముఖ నేతపై ఆత్మాహుతి దాడికి పాల్పడేందుకు ప్లాన్ చేసిన ఓ ఉగ్రవాదిని రష్యా అరెస్ట్ చేసింది. ఈ మేరకు రష్యన్ ఫెడరల్ సెక్యూరిటీ సర్వీస్ (FSB) ప్రకటించింది. అరెస్టైన వ్యక్తి ఐసిస్ టెర్రరిస్ట్ గ్రూప్‌కు చెందిన ఉగ్రవాదిగా గుర్తించారు. "రష్యాలో నిషేధిత ఐసిస్ గ్రూప్‌నకు చెందిన ఉగ్రవాదిని ఎఫ్‌ఎస్‌బీ అధికారులు అరెస్ట్ చేశారు. పోలీసుల అదుపులో ఉన్న ఉగ్రవాది..భారత్‌లోని ఓ ప్రముఖ నాయకుడిని చంపేందుకు కుట్ర పన్నాడు" అని రష్యా ప్రతినిధులు వెల్లడించారు. టర్కీలో ఈ వ్యక్తిని సూసైడ్ బాంబర్‌గా రిక్రూట్ చేసుకుంది ఐసిస్. చట్టవ్యతిరేక కార్యకలాపాల నిరోధక చట్టం కింద కేంద్ర ప్రభుత్వం..ఐసిస్‌ను ఉగ్రసంస్థగా నోటిఫై చేసింది. ఈ సంస్థ తన సిద్దాంతాలను వ్యాప్తి చేసేందుకు సోషల్ మీడియా వేదికలను వినియోగిస్తోందని కేంద్రం స్పష్టం చేసింది. దర్యాప్తు సంస్థలు వీటిపై ప్రత్యేక నిఘా పెట్టాయని...కేంద్ర మంత్రి వర్గాలు తెలిపాయి. ఆ సంస్థపై చట్ట పరంగా చర్యలు తప్పవని స్పష్టం చేశాయి.
ఐసిస్‌పై అగ్రరాజ్యం పోరాటం..
రష్యాతో పాటు అమెరికా కూడా ఐసిస్‌పై గట్టిగా పోరాడుతోంది. ఈ ఏడాది ఫిబ్రవరిలో ఐసిస్ అధినేతను అమెరికా బలగాలు మట్టుబెట్టాయి. ఉగ్రవాద వ్యతిరేక ఆపరషేన్‌లో ఐసిస్ చీఫ్‌ అబు ఇబ్రహీం అల్ హషిమీ అల్ ఖురేషిని అమెరికా సైన్యం హతమార్చింది. ఈ మేరకు అమెరికాక అధ్యక్షుడు జో బైడెన్ ప్రకటించారు. సిరియాలో అంతర్గత వలసలు ఎక్కువగా ఉండే ఇడ్లిబ్ రాష్ట్రంలోని అత్మేహ్ అనే గ్రామంపై అమెరికా దళాలు మెరుపు దాడులు జరిపాయి. ఈ దాడిలో ఐఎస్ఐఎస్ నాయకుడితో పాటు 13 మంది పౌరులు కూడా మరణించారు. ఇడ్లిబ్ ప్రాంతం ఉగ్రమూకలకు స్థావరంగా మారింది. ఇక్కడ ఉగ్రకార్యకలాపాలు విచ్చలవిడిగా జరుగుతుంటాయి. ఈశాన్య సిరియాలో ఓ జైలును స్వాధీనం
చేసుకోవడానికి 10 రోజుల పాటు ఉగ్రవాదులు దాడులు చేశారు. అఫ్గానిస్థాన్‌లో వరుస బాంబు దాడులతో తాలిబన్లకు తలనొప్పి తెచ్చింది ఇస్లామిక్ స్టేట్ (ఐసిస్). ముఖ్యంగా తాలిబన్లే లక్ష్యంగా వారి వాహనాలపై దాడులకు తెగబడుతోంది. తాలిబన్- ఇస్లామిక్ స్టేట్ మధ్య శత్రుత్వం కొత్తేమీ కాదు. అమెరికా దళాలు వెనుదిరగక ముందు నుంచే వీరి మధ్య శత్రుత్వం ఉంది. రెండు వర్గాలు కఠిన ఇస్లాం నిబంధనలు పాటిస్తాయి. కానీ వీరి సిద్ధాంతాల్లో కొంత వ్యత్యాసం ఉంది.
అఫ్గానిస్థాన్పై పట్టు కోసం తాలిబన్లు ఇన్నేళ్లు శ్రమించగా.. అంతర్జాతీయంగా 'జిహాద్' కోసం ఐఎస్ పిలుపునిచ్చింది. అమెరికా, నాటో దళాలు వెనుదిరగక ముందే.. మెరుపు వేగంతో కాబుల్ను ఆక్రమించుకున్నారు తాలిబన్లు. దేశాన్ని వీడేందుకు ప్రజలు ప్రయత్నిస్తోన్న సమయంలో కాబూల్ విమానాశ్రయం వద్ద పేలుళ్లకు పాల్పడింది ఐసిస్-కే. ఈ ఘటనలో అమాయక ప్రజలు, తాలిబన్ ఫైటర్లు, అమెరికా సైనికులు ప్రాణాలు కోల్పోయారు. ఇటీవలే అఫ్గానిస్థాన్‌లోని కాబూల్‌లో ఓ మసీదులో బాంబు జరిగింది. ఇది కూడా ఐసిస్ పనే అన్న అనుమానాలు వ్యక్తమవుతున్నాయి. ఈ పరిణామాలతో.. ఇప్పటికే అస్తవ్యస్తంగా ఉన్న ఆ దేశ ఆర్థిక వ్యవస్థ పూర్తిగా కుదేలైంది.
Also Read: అమిత్‌షాకు చెప్పులు అందించిన బండి సంజయ్‌- వీడియో షేర్‌ చేస్తూ షేక్ చేస్తున్న ప్రత్యర్థులు